Kuleteriwa ka Vafuwi Vantshwa va Mfpundla

© Judy Stuart

Mpfundla awufani na swiharhi swinwana leswi fuyiwaka. Wuna swilaveko swokarhi swohlawuleka naswona loko swinga lawuriwi hitindlela hinkwato, ku fuwa mimpfundla aswinge tirhi. Swina nkoka swinene leswaku mufuwi wa mpfundla lontshwa a kombisiwa ku tirha na swiphiqo leswi anga hlanganaka na swona atlhela a twisisa swilaveko swa mpfundla kusukela eku sunguleni.
Leti iti dyondzo to sungula swinene eka kufuwa mpfundla e Afrika Dzonga naswona swikahle kuva na vutivi loko unga se sungula kuva mufuwi wa mpfundla. Loko u kunguhata kuva na swifuwo swotala, swina nkoka swinene kuva uva na loyi ungata vutisa yena loko swinwani switshuka swinga fambi kahle.
Kahle kahle, loko mindyangu yotala eka muganga yilava ku fuwa mimpfundla, xirho xinwe xa vaaki xifanele ku hlawuriwa tani hi muleteri naswona munhu loyi u fanele kuyakuma vuleteri byaku hlayisa mpfundla.

Translated by Ike Ngobeni