Ruby Cabernet
Inchazelo
iRuby Cabernet yinhlobo yeliwayini lelibovu lelakhuliswa ngemnyaka wa 1936 ngu Dr Harold Olmo wase Nyuvesi yase California, ekuhlanganisweni ne Carignan kanye ne Cabernet Sauvignon.
Lapho Ivela Khona
Dokotela Olmo wakhulisa iRuby Cabernet entela kunika lifemu lewayini lase California inhlobo lebeyikhona kukhula ngaphansi kwesimo lesishisako lelapho khona iCabernet Sauvignon yasokola khona.
iRuby Cabernet, njengoba injalo, yakhuliselwa kukhicita tindlela letisetulu te Cabernet Sauvignon kanye nekucina kwe Carignan.
Lenhlobo yakhululwa ngetemakethe ngemnyaka wa 1948 yase iyatiwa kakhulu nga 1960. Ibe lenhlobo yenta kahle phansi kwetindzawo letifutfumele, lizinga lelihle lenhlobo yinye yewayini lehlanganiswe nemagilebisi lakhicitwe etindzaweni letipholile.
Lamanye Emagama
Kute
Kukhicitwa eNingizimu Afrika
Lenhlobo ikhokhwa kutotonkhe tindzawo letikhicita liwayini tala Ningizimu Afrika, na Robertson kanye ne Breedekloof labanetindzawo letinkhulu letikhicitako.
Kukhula/Kuhluma
Ikhula ngemandla neligunya lekukhokha ema Cabernet Sauvgnono lafika kuma hekitha lamane. Linani lekukhicita lisemkhatsini wema t/ha lamashumi lamabili kuya kumashumi lamatsatfu. Ilungela kuvunwa ngemshina, ikakhulu nayihlanyelwe endzaweni lenkhulu.
Kuvutfwa
Emagungumence avutfwa emkhatsini wesikhatsi sawo, kusuka kuhhafu wesibili wenyanga yeNdlovu.
Emagungumence
Lenhlobo ikhokha emagungumence lamancane langatsi yindingilizi lejika ibe nguluhlata losasibhakabhaka losamnyama ngelibala nasekavutfwe ngalokugcwele. Lesikhumba sicinile, ibe lenyama inemanti nekuvela lokunetjani.
Emacembe
Emacembe makhulu, aluhlata lotopele, ayacwebetela phindze ahlukene katsatfu kuya kusihlanu.
Tilokatana Nemagciwane
Ibheke phansi kancane kumuhlwa naku botrytis.
Kusetjentiswa
Lizinga lelimbalwa liyentiwa, kepha incumbi yalamagilebisi asetjentiswa nakuhlanganiswa incumbi noma emawayini lasemabhokisini. Ikhula noma iguga ngekushesha kune Cabernet Sauvignon futsi yentiwe kutsi itsandvwe iyincane.
Kunambitsa/Kuvelela
Ticu tinendlela yeligungumence noma tindlela tetjani.
Translated by
Phindile Malotana