Merlot

Inchazelo

iMerlot yiwayini lebovu leyakheke kumhlubulo we Cabernet Franc kanye ne Magdeleine Noire des Charentes. Ligama lalenhlobo lisuka egameni leBordeaux lelisho ‘’inyoni lemnyama lencane”, noma kungenca yekutsi letitinyoni betitelibala lelimnyama lelifanako njengemagilebisi noma kungenca yekutsi ticolela kudla emagilebisi eMerlot.

Lapho Tivela Khona

Lenhlobo ibekhona esigodzini se Bordeaux yase France kusuka ngesikhatsi sekucala selishumi nesiphohlongo endvulo. Kukhicita eFrance kwabulawa kuya emuva sikhatsi lesiningi kusuka ngemnyaka wa 1950, kwacala ngesitfwatfwa lesabulala incumbi yemavini eMerlot (kanye ne Malbec).

Emavini lamasha ahlanyelwa kwentela kubuyisa lokwafa ngemnyaka lowalandzela, kepha ke incumbi/lining laloku labulawa kubola. Yinye lensha inhlanyelo, yabonwa ifikelwa sehlakalo lesimbi.

Lesimo sabasimbi kangangobe beteligunya eFrance ngemnyaka wa 1970 babeka sincumo sekususa kuhlanyelwa kweMerlot lensha. Lesincumo saphakanyiswa ngemnyaka wa 1975 ngenca yekukhula kwenombolo yemavini alamawayini emhlabeni wonkhe.

Lamanye Emagama

iMerlot ihlale ibekiswa ngekutsi yi Merlot noir, kuyihlukanisa kulewayini lemhlophe yelihlobo lebitwa ngekutsi yi Merlot blanc. Letinye tinchazelo tifaka iPetite Merle, Merlau, Vitraille, Crabutet, Bigney, Semillon Rouge kanye ne Medoc noir.

Kukhicita la Ningizimu Afrika

Njengoba lenhlobo beyikhona lakulelive kusuka ngemnyaka wa1920, kukhicita kwacala emkhatsini wemnyaka wa 1990, ngenca yekudvuma kwayo eCabernet blends futsi njengewayini leyiyinhlobo yinye.

Kukhicita kwakhula kusuka kuhekitha yinye ngemnyaka wa 1979 kwengcela kutinkhulungwane letisihlanu nemakhulu lasihlanu ngemashumi lasihlanu nga 2016. Le Overgaauw eStellenbosch iyanconywa njenge estate yekucala yewayini leyakhokha liwayini lelakhiwe nge Merlot kuphela.

Tigodzi Tekukhicita

Le Merlot isebenta kahle etindzaweni letipholile emhlabatsini losemkhatsini. Kulungiselela kumele kwentelwe kunisela njengoba lenhlobo isetulu ngesimo ngesikhatsi sekuvuna. Ihlanyelwe eNingizimu Afrika yonkhe, neStellenbosch lenendzawo lenkhulu yekukhicita, ilandzelwe yi Paarl.

Kuhluma/Kukhula

Emavini anendlela yekucala kancane abenemfutfo bese enta umsila. Silinganiso se kukhicita sihambela kuma t/ha lasiphohlongo kanye nema t/ha lalishumi nakubili.

Kuvutfwa

Emagungumence avutfwa ngesikhatsi lesisemkhatsini, kusuka kuhhafu yekucala yenyanga yeNdlovu.

Emagungumence

Emagungumence alinani lelisemkhatsini, ayindingilizu phindze aluhlata losasibhakabhaka kuya kulelimnyama ngelibala nasekavutsiwe. Lesigogo sincama phindze lenyama yawo inekubanemanti.

Emacembe

©Glenneis Kriel
Emacembe ayashelela, aluhlata lotopele, linani lisemkhatsini futsi ahlukene kasihlanu.

Tilokatane Nemagciwane

Ayiwavumeli emagciwane lamanengi, ngaphandle kwe muhlwa. Inkinga ne botrytis lebolako ingabakhona etigodzini letifutfumele. Iyinkinga kumoya lobulalako, somiso, kushisa kanye neluswayi.

Kusetjentiswa

iMerlot isetjentiswa ekukhiciteni inhlobo yinye yewayini nemlingani lohlanganisako we Cabernet Sauvignon kanye neCabernet Franc.

Kunambitsa/Kuvelela

Lefana nayo la Ningizimu Afrika ikhicita liwayini lelitopele nemagungumence noma inhlobo lenetjani. Ngetulu kwesicu sinye singahlanyelwa kuhekitha yinye, kwentela kungeta tinkimbinkimbi kuleliwayini.Translated by Phindile Malotana