Madiba Ubingelela Bahalalisi eSoweto

© Dr Peter Magubane
Madiba ubingelela labamuhalaliselako eSoweto.
Ngemuva kwekukhululwa kwakhe ejele nga 1990, Nelson Mandela wabuyela endlini yakhe eSoweto. iSoweto sikomplazi selidolobha laseJozi eGoli, eNingizimu Afrika, egedeni lelibhande lemayini lalelidolobha la Ningizimu Afrika. Ligama laso sinciphiso Ngesingisi se Tikomplazi teNingizimu Yenshonalanga. Nelson Mandela wafikela la nga 1946 nemkakhe wekucala, Evelyn Ntoko Mase. Watsi nakehlukana naye nga 1957, wajoyinwa ngumkakhe wesibili, Winnie Madikizela nga 1958. Wacitsa sikhatsi sakhe lesincane lapha njengoba indzima yakhe yekuba ngumulwi wemzabalazo kwaba ngulokumdlako wase uyaphoceleleka kuyangephansi nga 1961. Wahlala agijima kwaze kwefika lapho aboshwa khona wafakwa ejele nga 1962.
Kulandzela kukhululwa kwakhe ejele nga 1990 Nelson Mandela wabuyela ekhaya lakhe eSoweto emalanga lalishumi nakunye nje wase uyohlala endlini yakhe eHoughton, endzaweni yesilungu leseGoli. Ngemuva kwekukhululwa kwakhe, wacitsa sikhatsi ahlangana nebahlali baseSoweto, liningi liyamukhumbula kanye nemndeni wakhe lapho bekahlala khona kucala. Munye umuntfu, nakacedza kuhlangana naMandela, watsi: Bekufana nekubona lizulu ngemehlo akhe. Kwaba liphupho lelifezekile kuhlangana naye. Ngatsintsa sandla sakhe futsi angizange ngisigeze emaviki lamabili. Kuvakala kukabi.”

“Kuncoba buphuya akusiso sento sekusita nje, kusento sekulunga.” ~ Nelson Mandela

Mandela 100 - Mandela: A Man of Principle

Brenda Fassie lobekatsintsekile, umhlabeleli lowatiwako wase Ningizimu Afrika, watsandvwa ngu Mandela....more

Mandela 100 - The Fight for Freedom

Mandela abetsandvwa balandzeli bakhe kanye neluphawu lenkhululeko lwabo bonkhe. Uvame kubonwa njengemuntfu longunkhulunkulu eNingizimu Afrik...more

Mandela 100 - The Mandela Legacy

Mandela watfola umchele webudokotela eNyuvesi yase Witwatersrand eGoli....more

Mandela 100 - Timeless Madiba

Bantfu bepolitiki labehlukahlukene, kufaka ekhatsi Nelson Mandela, lobekangumumeli ngalesikhatsi ema njengemsolwa wekuboshelwa kulwisa hulum...more