Kuvunwa Kwemagrabisi Eliwayini

©Louise Brodie
Here, red globe table grapes are hand-picked and loaded into crates for transport to the packing shed.
Ungakavuni, kumcoka kutsi ube nelicebo kutsi utovuna kanjani. Lelicebo lekuvuna kufuneka lifake ekhatsi kutsi sivuno sitoba ngakanani, lilanga lekuvuna, linani lebasebenti labadzingekako, kuboleka tintfo tekuvuna kanye nekutsi kutoba ngumalini kutfutsa lamagrabisi lavuniwe.
Ngesikhatsi kuhambiswa lamagrabisi lavuniwe, kumcoka kwenta siciniseko kutsi lamagrabisi akalimali, agcinwa ahlobile futsi aphephile. Tintfo letidzingekako nakuvunwa tifaka ekhatsi loku lokulandzelako:
Tigulumba letikhona kutfutsa emagrabisi.
Tintfo letikhona kwena umsebenti wetisebenti ungabi matima
Intfo yekubhala lebonisa kutsi kungakanani lokuvuniwe.
Indlu yangasense kanye nemanti ekunatsa.
Tintfo tekusita basebenta labatfola kulimala basasebenta.

Kuvuna Ngesandla Kwemagrabisi

©Louise Brodie
A grape picker busy with hand-harvesting of grapes.
Sikhehle semagrabisi lavutsiwe, sijubwa sifakwe entfweni yekuwaphatsa. Lentfo yekubamba emagrabisi ijwayele kubekwa ngephansi kwaletihlahla temagrabisi. Nase igcwele lentfo yekubamba, ayatsatfwa lamagrabisi ayotfululwa esigulumbeni. Umgcoma wemagrabisi kujwayele kuba ngemaplastiki lamakhulu noma umgcoma wensimbi. Lemigcoma ayibi inkhulu kakhulu kuvikela kutsi emagrabisi angalimali.
Emagrabisi kufanele asheshe ahambiswe lapho atogcinwa khona, angahlali kakhulu elangeni. Nangabe ahlala kakhulu elangeni, loku kutowenta lamagrabisi angabi munandzi kahle.
Nakafika emagrabisi lapho abekwa khona, letikhehle tiyabukwa kusebentiswe libhande leliwahambisako. Kubukwa kutsi khona yini tikhehle letilimele, futsi kususwe nemacembe kanye nemagrabisi labolile. Emuva kwaloko, emagrebisi afakwa entfweni letokhipha lejusi yemagrabisi.

Kuvunwa Kwemagrabi Kusebentiswa Imishini

Emagrabisi angavunwa kusebentiswe imishini. Loku kwentiwa esikhatsini lesinyenti emagrabisini lasetulu futsi kwentiwela lapho kunesivuno lesikhulu khona.
Tikhehla tiyasuswa etihlahleni tifakwe kulemigcoma yekuvuna, bese emacembe asuswa ngumshini lokhipha umoya.
Intfo lenhle ngekuvuna ngemushini kutsi kuyaphangisa – emagrabisi asheshe afike lapho abekwa khona. Indzawo lenyenti ingavunwa ngelilanga, bancane basebenti labadzingekako futsi nekuvuna kungentiwa ngesikhatsi lapho kungashisi khona.
Tinkinga tekuvuna ngemshini kutsi kungenteka kulimale sihlahla semagrabisi phindze emagrabisi lavutsiwe avunwa kanye nalawo langakavutfwa.

Translated by Phindile Malotana