Kususa Sikhumba kanye Nekususa Incenye Yesitfo

© Garitzko

Lomtimba wesilwane lesifile kumele silengiswe sibheke phansi khona lesisu, lesingentasana kwesidvodza, ibe sesigabeni semehlo. Ilengiswe ngetimphondvo, letincama letigwaza lemilente yangemuva phakatsi kwe libhande lelicinile le Achilles kanye nalelitsambo lelingetulu lelinenyama lapho ahlangana khona.
Kusebentisa, umukhwa wekususa sikhumba lomasentimitha lalishumi nakubili, kuvula lesikhumba ugegelete limuva lelinyawo nesigaba lapho ligwazwe lihhuka.
Faka lomukhwa ngaphansi kwesikhumba ngekhatsi kwemulente bese uyavula uyofika kulemphandze yemsila lengasetibunu. Ngetingalo takho, sebenta lesikhumba ngekusisusa kulenyama yalinye litsanga. Phusha lesisila usibuyisele emuva ujube lelitsambo khona lesisila sitosala sibambe lesikhumba ngasemuva, bese lesidvodza kanye nematfumbu lamakhulu aseceleni kwesisu.
Chubeka usebente kususa lesikhumba kulomtimba lophansi, njengelisokisi loligcoka liguculelekile, udonse limuva ngasekugcineni kwemsila, bese uyasusa esiswini ngetingalo takho ngaphambili uze ukhone kuhambisa sandla sakho emkhatsini wesisu kanye nesikhumba.
Nyalo juba lobudvodza ubususe kulesikhumba ngaphambili khona titosala tingakatsintfwa kulamatfumbu lamakhulu nalomtimba emkhatsini wemilente yangemuva.
Lesikhumba singahwaywa siyiswe phansi – ucaphele ungadzabuli/ugamule limasela lelime libheke phansi esentha yesisu.
Sebenta lemilente lemine malula uze ufike etinyaweni khona letidladla letingito kanye nalenhloko tihlale tikhona kulesikhumba lesihwayiwe. Nyalo juba ngakumalunga etidladla tangembili, bese ujuba ususa lenhloko ngetulu kwentsamo ngendlela lokhona ngayo.
Lesikhumba, lesisolo sinetidladla tangaphambili phindze tihlangane nenhloko, ibekwa ngaseceleni kwentela kuyisebenta nase ucedzile kusebenta lesidvumbu semtimba.
Yenta indlela lencane kuyaphansi kwesentha yesisu lilayini lelingajubi tintfo letingekhatsi. Vula lendlela leya etulu ngesineke cishe ngaphansi kwesidvodza. Nyalo ke juba umgumugumu ngasemaceleni esidvodza bese utsatsa kahle ematfumbu lamakhulu unakekele ungajubi lamaphayiphi laya esinyeni nasesiswini.
Sakata ngekusika ubhekise phansi kulendzawo lehlukanisa umtimba bese ususa sibindzi, inhlitiyo noma sisu kanye nesinye, unakekele kutsi ingajubi inyongo noma sibindzi, lekumele kutsi ngekushesha kususwe. Nyalo hlanganisa lencenye yeludvwadvwasi kwentela kutfola emaphaphu bese ususa kanyekanye nachochocho.
Juba lesikhumba ngasenhloko bese usiyekela sehle kulelesikuvalile. Lesibindzi, tinso, inhlitiyo kanye nemaphaphu, konkhe kuyadliwa – phindze kutsatfwa ngekutsi tibiliboco – manje ke tibeke bese utisebentisa nawufuna. Susa linyawo langemuva ngekujuba inyama leselungeni ngendlela leshiya lelibhandle lelihlanganisa ematsambo libambe emamasela ematsanga kumalunga lahlala akhona.
Utsi ungacedza kuklina lesidvumbu ngendvwangu lemanti ibese ilungela kuhlahlelwa noma uyinkhunge ngelibhande. Nawubopha/kuyikhunga, goba lamasondvo uwamikise phambili kwesifuba noma letinye tincenye talomtimba. Bese udvonsa lisayidi lwemkhoma kwentela kunika kubukeka lokusandingilizi.

Translated by Phindile Malotana