Utinisela nini letindzawo futsi kudzingeka emanti langakanani? Ngabe futsi kubaluleke kangako kutsi kuniselwe? Ngekwetsembela kulendzawo, kwehla kwemvula kunganiketa bumantana lobukhona ngetitjalo letitsite, kepha ngetikhatsi tekugucuka kwetindlela tesimo selitulu, kunisela nyalo kuvame kudzinga timvula letengetetelako.
Emanti lamaningi, ngaphandle kwekumoshwa kanye nekudula, kungaphindze kukhokhe emanutrients bese kubanga kukhungeka kwemhlabatsi. Ngekubuka lokwecele, emanti lamancane kakhulu kungaphutisa kukhula kwendzawo lenetjani.
Tidzingo teKunisela teTitjalo teNdzawo Yetjani
Sitjalo lesincane lesinemacembe
Sitjalo lesincane semacembe sihlanyelwa etindzaweni letilungele tjani lobukhokha tinhlavu. Sitjalo lesincane lesibovu nalokumhlophe sidzinga 800 mm noma ngetulu kwaloko ngemnyaka. Kunisela: 25 kuya ku 50 mm ngeliviki. Kumelana nesomiso lesiphansi.
Sitjalo lesincane iBalansa ingakhuliswa ngaphansi kwa 350 mm wekwehla kwemvula ibe sibe sitjalo lesincane se Berseem sidzinga lizinga lemvula lelingetulu kwa 600 mm, noma ngaphansi umangabe kuniselwa ngekungetetela.
Cock’s foot
iCock’s foot ihluma kahle etimeni telitulu letipholile nemvula lengetulu kwa 900 mm. isebenta kahle ngekuniselwa kepha hhayi kahle njengaletinye tindzawo tenhlanyelo.
Eragrostis tef
Kute kunisela lokudzingekako ku tef njengoba ihluma kahle ngaphansi kwendzawoleyomile noma lapho khona litulu lingetulukwa 400 mm.
Fescue
iFescue ivame kukhuliswa etindzaweni letinemvula lephakeme futsi ingatfola lokutsite lokuphuma ekuniselelni ngesikhatsi setinyanga letomile tasebusika nasetindzaweni temvula yasehlobo. Ilungele kuhlanyelwa endzaweni lenebumantana lobulula noma emhlabatsini lomanti.
Tjani beFoxtail buffalo
Imelana nesomiso, ifoxtail ingahluma etimeni telitulu letihambela kusuka ku 100 mm kuya ku 1 000 mm temvula ngemnyaka munye, kepha angeke imelane nemhlabatsi lokhungekile.
Ngaphansi kwekuniselwa, lokudla kungavunwa tikhatsi letilishumi ngesikhatsi sinye ngetindlela noma tikhatsi letimbili letehlukene temalanga langu 35 kuya ku 40.
Tjani be Guinea (Panicum maximum)
Emanti langetulu kwa 500 mm ngemnyaka ayadzingeka kwentela kukhulisa inhlanyelo leneboya ye tjani be Guinea.
Tjani be Kikuyu
Imvula lengetulu kwa 750 mm iyadzingeka kwentela umkhicitoo we Kikuyu, kepha ingahluma etindzaweni letinemvula lephansi lapho kudzingeka khona kunisela kwentela kungetetela tidzingo temanti.
Sitjalo semacembe laluhlata lamancane
Ilungile njengendzawo leyomile lenetimvula letiphansi kuna 500 mm, umkhicito wesitjalo semacembe laluhlata lamancane utfutfuka ngaphansi kwesimo sekuniselwa.
Paspalum
Inganiselwa noma ihlume ngaphansi kwetimo letomile lapho khona imvula ingacishe ibe ngu 650 mm.
Tjani be Rhodes
iRhodes itihlumela yona etindzaweni letomile tase Eastern Cape kepha ingaphindze ihlume etindzaweni letinelitulu leliningi nekushisa lokusetulu kanye nekwehla kwemvula lokungu 400 mm kuya ku 1 000 mm.
Tjanibetinhlavu (ngemnyaka)
Abukalungeli umkhicito wendzawoleyomile. Tjanibetinhlavu bumele buhlume etindzaweni letinelizinga letimvula tasehlobo letingu 1 000 mm. kunisela lokunconyiwe etinhlobeni letiningi temhlabatsi bo 25 mm njalo etinsukwini letine kuya kuletisihlanu ima buhlanyelwe ngenyanga yaBhimbidvwane noma Indlovana bese ke 25 mm ngemaviki ngekukhulwa kwawo sikhatsi sonkhe.
Tjanibetinhlavu (Lobenteka kaningi noma lobutsatsa sikhatsi lesidze)
Bulungele umkhicito etindzaweni letipholile lapho khona timvula tisakateka ngesikhatsi phindze tengcele ku 1000 mm.
Tjani be Smuts finger
Butsatsela etindzaweni letomile phindze bucolele timvula tasehlobo letingetulu kwa 500 mm. atikalungeli emihlabatsini lekhungekako.
Emabele
Yinhlanyelo lemelela somiso, emabele alungele indzawo leyomile noma lapho khona timvula tingu 400 mm noma ngetulu.
iBabala noma tinhlalvu letincane (iPennisetum glaucum)
Phindze nayo yinhlanyelo lemelela somiso, ibabala ilungele tindzawoletomile noma lapho khona timvula tingu 400 mm noma ngetulu. Ayimelelani nemhlabatsi lomanti.
Tjanibelutsandvo lobubhulwako (Eragrostis curvula)
Tjanibelutsandvo bucolela imihlabatsi lemelula netimvula letingetulu kwa 650 mm kepha bungaphila ngelinani lemvula la 450 mm. kunisela kungadzingeka njengesengetetelo semvula.
Iniselwa nini Indzawo
Lokunyakata kwekunisela kushiyana ngemacembu etitjalo, bukhona bemanti, umhlabatsi lotfwele emanti, lelizinga lemoyalofakelwako kanye nekushona kwalendzawo yetitjalo letinetimphandze. Lelicembu Lekucwalinga ngeManti – Water Research Council (WRC) ikhetsa kutsi ngakunye kunisela, lomhlabatsi kumele uletfwe ezingeni lalensimu endzaweni yetimphandze talendzawo. Vele ufake, loku kuchaza kutsi kunisela lokudze, kwenteka kancane. Njalonjalo, kunisela kufakwa muva lokubese kuchubela ekubambelelekeni ngamanyolo wemanitrogen. Kuvame kutsi, manyolo affakwe ngemuva kwendzawo seyidliwe noma sekujutjwe sigadla setjani ngaphambi kwekunisela.
Translated by Phindile Malotana