Tinkinga Tesikhumba Setingulube - Kulimala Nekushiswa Lilanga

©Glenneis Kriel
Ingulube lephilile kahle inesikhumba lesihlobile futsi lesitsambile. Ngekusho kwalencwadzi Pigs for profit manual lebhalwe iPork Producers Production Organisation’s. kusuke kukhona lokungekho kahle nangabe sikhumba sishintja umbala waso, kusho kutsi ilimele. Tingulube tijwayele kuba nemakhatane labonakalako, tingulube tihlala titinwaya ebondzeni. Letinye tintfo letingatsikameta sikhumba sengulube nguleti.

Kulimala

©Dr Jim Robinson
Tilondza, sikhumba lesilimele, timphungane letihlala esikhumbeni setingulube, loku kungabangwa kulwa kwetingulube, kulimatwa tintfo leticijile njengetipikili kanye nemawayela.
Kutilapha
Tilondza kufanelwe tigezwe ngemutsi wekulapha tilondza lofakwe entfweni yekufutsa, umutsi longasebentiswa kungaba iIodine noma gentian violet. Balimi kufanele batame kutsi tingulube tingabi tinyenti endzaweni lencane, ngoba loku kutokwenta kutsi tilwe kakhulu. Indlu yetingulube kufanele uhlale uyihlola ususe tintfo letingalimata tingulube.

Kushiswa Lilanga

©Glenneis Kriel
Tingulube letinesikhumba lesimhlophe ngito letisengotini kushiswa lilanga, lesikhumba sishintja sibebovu phindze kuphume emabhamuta. Kushiswa lilanga kakhulu kungabangela kutsi tingulube kutsi tigule. Tingagula tiphelelwa ngemandla, tihlante, tiphatfwe ngumsheko, kanye nemkhuhlane. Tingulube tingafa umatishiswa lilanga kakhulu.
Ngekusho kwencwadzi lebhalwe yi National Animal Disease Information Service (NADIS), Pigs Health – Sunburn and heat stroke/heat stress, kushiswa lilanga ngalesinye sikhatsi kungaphambaniswa naletinye timo tangaphandle letingabanga kutsi sikhumba sibebovu, letibanga emabhamuta, lokungabangwa kuhlangana nesipho noma tihlahla letiyingoti njenge parsnips, emakherotsi, parsley kanye ne oats.

©Dr Jim Robinson
Kutilapha
Kuvikela kushiswa lilanga, ingulube ngayinye emhlambini kufanele itfole umtfunti lowanele nemanti lahlobile ekunatsa. Nelidzaka, loku kwentelwa tingulube letihlala ngaphandle, tingavikeleka ekushisweni lilanga nangabe sikhumba sigcwele lidzaka.
NADIS itsi kusebentisa kwecream noma emafutsa ekugcobisa kunganciphisa buhlungu futsi kusite tingulube tiphole ekushisweni lilanga, nekusebentisa emaphilisi esimeni lesibucayi kakhulu.
iPig Site encwadzini yabo yekuvikela tifo batsi, balimi bangalapha tingulube letishiswe lilanga ngekutsi batitsatse batifake emantini labandzako noma bafutse ngesifutfo.

Translated by Thandokuhle Motha