Kukhicita titjalo Letincane
Mase unalo lelinani lalokujutjiwe, lungisa lesitjalo sibesemkhatsini. Loku kuvama kuba yinhlanganisela yemhlabatsi kanye nenhlanganissela yasebhodweni lelilipulasitiki lelimamilimitha lamakhulu lasihlanu. Faka lolokusekucaleni kwerosemary lapho kunenhlanganisela yalesitjalo bese uhlanyela kulesitjalo lesisemkhatsini.
Indlela yeKuhlanyela
Ngekuhlanyela ngalokuningi kwentsengo kuvama kwenteka kakhulu kune kuhlanyela ngetitjalo letincane lesetivele tentiwe endlinileluhlata. Letitindumbu tihlanyelwa ematreyini etitjalo letincane letingaba siphohlongo kuya kumamilimitha lalishumi kuyaphansi. Titsi letindumbu tingakhekha bese naletitjalo letincane leticinile setikhulile loku kubese kuhlanyela ensimini. Tindumbu te Rosemary tikhula ngelizinga leliphansi, ngakoke, hlanyela cishe emahlandla lamane ngendlela lekudzingeke ngayo. Inhlanyelo kwayona idulile. Kutsi nasekwenteke umehluko ngaletinhlobonhlobo lesetentiwe kumalungiselelo lakahle ekucala kwenta letitjaloo kuleto letijutjiwe kwentela kuhlanyela ngesikhatsi kulahleke titjalo.Kuvulwa kwe Sikhala
Titjalo teRosemary kumele tivulwe tibengemasentimitha lamashumi lamatsatfu ngekushiyana emilayinini lengemasentimitha lamashumi lasihlanu ngekushiyana. Lena yindzawo lengaba netitjalo letitinkhulungwane letingemashumi lasitfupha kuhekitha linye. Kufakela kanye netindlela tesigulumba tiyashiywa kwentela emalungiselelo ekunakekela kanye nekuvuna.Sikhatsi Sekuhlanyela
Hlanyela tindumbu terosemary kumatreyi etindumbu endzaweni levikelelkile noma endlinileluhlata ngesikhatsi senyanga yeNhlaba phindze nasekucaleni kwentfwasahlobo letitjjalo letincane kumele tibenguleticinile ngalokwenele kuze tikhokhwe tihlanyelwe ensimini.Sikhatsi Sekuhlanyela
Kuhlanyela letitjalo letincane terosemary ekucaleni kwentfwasahlobo. eNingizimu Afrika kusekupheleni kwenyanga yeNgci nekucala kwenyanga yeNyoni.Sikhatsi Sekuhluma
Emaviki lasiphohlongo kuya kulalishumi endlinileluhlata kumele kuphume titjalo letincane leticinile terosemary letilungele kukhokhwa tihlanyelwe ngaphandle. Kwentela kukhokha emarosemary lamasha, bakhiciti labanye bacala kuvuna lolokusha lokuhlumako kusuka ekucaleni kwemaviki lalishumi nakubili kusuka ekukukhokheni. Kunakekela kumele kwenteke kuze kungavunwa kakhulu emnyakeni wekucala njengoba loku kutogcina kukhula kwaletitjalo. Kuvuna lokugcwele kucala etinyangeni letilishumi nakubili kuya kuletilishumi nesihlanu ngemuva kwekuhlanyela. Titjalo te rosemary tingavunwa kuze kufike eminyakeni lelishumi nesihlanu umakunakekelwa kahle.Kuvundzisa
Ngaphambi kwekuhlanyela, lokumelelele umhlabatsi kumele kutsatfwe bese kumikiswa kutsi kuyohlolwa. Loku kutotfola inhlobo yesihlabatsi kanye netidzingo temanutrients kwentela leyonhlanyelo.Njengentfo lecatjangwako yekucondzisa, letintfo letilandzelako letinconyiwe tingasetjentiswa lapho kungekho khona kuhlolwa kwemhlabatsi. Lokunganga 600 kg lokufakwa kwa 3:1:5 kungasakatwa kufakwe ngetulu kwemhlabatsi longemasentimitha lamashumi lamabili ngaphambi kuhlanyelwe letitjalo letincane terosemary. Loku kutonika letitjalo letincane letinsha kucala lokukahle ekutikhuliseni tona. Ngesikhatsi setinyanga tekucala letilishumi nakubili, kubalulekile kugcina letitjalo temarosemary letikhulako ngako kufaka lokukhashane kabili kwa 400 kg wa 3:1:5 kungafakwa ngasemilayinini, yinye nganyanga yeNgongoni bese lenye ngenyanga yaMabasa. Kuyacwayiswa kutsi kuvundziswe ngemuva kwekuvuna konkhe. Kepha ungavundzisi kakhulu ngoba loku kunganciphisa bukhona beliphunga.
Kunisela
Noma lesitjalo serosemary sitsatfwa njengesitjalo lesicinile akukhomcoka kusikhatsata ngekutsi usinisele kakhulu, lokungenta tifo etimphandzeni noma ngekunisela kancane phindze kuhlukumelte kuhluma kwetitjalo kanye nekukhicita.Kungiko, ngakoke, kukahle kufaka tintfo tekukala kwentela kugadza njalonjalo lomhlabatsi. Kushiyane ngalenhlobo yesihlabatsi kanye nesimo selitulu, kukhula kwekunisela kungahluka ngensimu ngensimu. Linani lelikahle lisemkhatsini wemashumi lamabili nesihlanu ne mashumi lamatsatfu nesihlanu emamilimitha ngeliviki ngesikhatsi setinyanga tasehlobo lefutfumele bese kuncipha ngesikhatsi lesipholile noma ngetinyanga tetimvula emnyakeni. Yetama kunganiseli liviki lonkhe ngaphambi kwekuvuna. Kepha nisela ngekushesha ngemuva kwekuvuna kwentela kubuyisa lomhlabatsi emuva kwekutfwaleka kwebumantana.Translated by Phindile Malotana