Kubonwa/Kuchazwa kwe Tilwane

Tonkhe tinkhomo, timvu, timbuti, ema ostriches, tingulube kane nemahhashi kumele kubhalwe ngelibala lelitotichaza, ngekushi kweSento seKuchazwa kweTilwane (Act 6 wa 2002). Kuchazwa kwetilwane akwenti kubelula kubanikati babo kutsi batfole letilahlekile noma letebiwe tilwane, kepha baphindze babambise labeba tilwane.

Kufaka Sicelo

Bafuyi kudzinga bafake sicelo selimaki lelitokhomba tilwane kuMbhalisi weTilwane ngeLimaki ku Tiko leSive leteKulima/Kufuya, emaHlatsi neKudvweba. Lolokugadziwe nguleto letitelwe, lekumele tibhaliswe noma babhalise letilwane tabo ne Ncwadzi ye Stud yase Ningizimu Afrika ne Nhlangano yeTilwane tekufuywa.
Timphepha tekufaka sicelo tiyatfolakala ehhovisini lekuchubela, ehhovisi la magistrate, indzawo yetilwane letebiwe Endzaweni yeMaphoyisa eNingizimu Afrika kanye neMbhalisi weTilwane ngeLimaki. Letimphepha kumele tiphekeletelwe yintfo lechaza indzawo yekuhlala – lengakengci kutinyanga letintsatfu.
Utsi nasewuyitfolile, kutsatsa cishe emaviki lamabili kuloMbhalisi kutsi abhalise lelimaki kulo Bhalisako weSive weNdlela Yekuchaza Tilwane lapho khona Emaphoyisa ase Ningizimu Afrika anemvumo khona.
Lelimaki lelichaza lesilwane lihlukile kuloyo naloyo lonetilwane futsi lifaka lokungekho ngetulu kwetindlela letintsatfu (imibhalo noma imidvwebo). Kute-namunye longasebentisa lelimaki lelichaza silwane ngaphandle kwemvumo yemnikati. Uma lelibala limikiwe kulomunye umuntfu, ngako lomnikati lomusha kumele afake sicelo sekutsi kuchubekiswe kuye.

Imiyalo

©Peter Delaney
Imiyalo letsite ikhona, kuyala ngekuma kwelinani, umdvwebo nekuhlanganiswa kwe libala lelichazako kanjalo nendlela yencenye letsite yesilwane ingaba noma ingeke imakwe. Imibhalo esikhumbeni, njengekutsi, angeke seyengce emamilimitha lamashumi lamabili ngebubanti noma ngekuya etulu, lefutsi emamaki labhaliwe kumele abengeetulu kwemamilimitha lamashumi lamane futsi nalokungekho ngetulu kwemamilimitha lalikhulu ngebubanti nangekuya etulu.
Ngekusho kwe Sitoko seSive Lesivikela Kweba, tilwane tidzinga kubhalwa kungakapheli emaviki lamabili naticedza kutsengwa.
Tinkhomo tidzinga kudvwetjwa natikunyanga yinye ngemnyaka bese tibhalwa kusuka kutinyanga letisitfupha. Tidzinga kubhalwa ngesikhatsi ematinyo ato angaphambili lacijile asavelile (sigaba-sematinyo lamabili). Lomdvwebo ungabekwa ngasendlebeni, ibe incenye lebonakalako yemtimba, ngaphandle kwentsamo, kungabhalwa. Bafuyi kumele banakekele hhayi kubhala tincenye temtimba letingaba nentfo lengavumi esigabeni sekufihla.
Silwane sekufuywa lesincane, kufana netimvu kanye netimbuti, kanjalo netingulube, kumele tidvwetjwe natikunyanga yinye ngemnyaka, nemdvwebo lobekwe kumbe ngasendlebeni.
Ema Ostrich angadvwebwa ngaphansi kwetimphiko, kusuka kuyinye inyanga kuya kuletisitfupha ngemnyaka. Tingabhalwa kusuka kutinyanga letisitfupha etindzaweni lettingaphandle kwematsanga. Lombhalo noma lomdvwebo ungaba netinhlobo letimbili, nemibhalo lebekeke emamilimitha lasitfupha ngekushiyana, kumbe eceleni noma ngaphansi kwalomunye umdvwebo lobekeke eceleni kwalomunye.
Emahhashi angadvwetjwa nawo kusuka etinyangeni letisitfupha bese tibhalwa kusuka kutinyanga letilishumi nakubili ngebudzala.

Translated by Phindile Malotana