Injongo yetinkhukhu letikabili letihlanganiswako ilungele kokubili emacandza kanye nekukhicita inyama. Lining lalenhlobo liwela kulelihlangotsi, kufaka ekhatsi ema Australorps laMnyama, iHampshire Lensha Kanye ne Leghoms Lemhlophe.
Tinkhukhu tema Australorp tasungulwa eAustralia ngemanyaka wa 1900 ngendlela yekuhlanganisa lebeyikhetsiwe yetinyoni Letimnyama te Orpington. Lama Australiana, ngebusunguli bangaleso sikhatsi, bagucula lenhlobo yema British bayisusa kunyoni lebeyingiyo yona mbamba bayenta yaba ngulesetulu ngendlela yetentsengo. Lenkhukhu yekucala leyiyi Australorn Lemnyama yafika la Ningizimu Afrika ngeminyaka yabo 1910s. Iningizimu Afrika inendlela yekukhulisa tonkhe letinhlobo temibala taloluluhlobo.
Tinyoni letinenyama lenhle kakhulu, letinemacudze lanesisindvo lesingu 3,9 kg kuya ku 4,7 kg Kanye netikhukhukati letinesisindvo lesingu 3,7 kg kuya ku 4,5 kg. Tatiwa ngekutsi ticinile Kanye nesikhumba semacandza sato, alinganiselwa kumakhulu lamabili nemashumi lasihlanu ngelinani lelihle, emacandza lansudvu lohhwabile ngemnyaka munye.
Tinkhukhu Letinsha te Hampshire takhiwa ku Rhode Island’s Reds tase timukelwa njenge nhlobo letimele eMelika ngemnyaka wa 1935. Letinyoni tekucala, ngekusho kwe Nhlangano yeteMfuyo la Ningizimu Afrika, tafika la Ningizimu Afrika ngemnyaka wa 1947.
Lenanhlobo yakhetselwa lokukhula kwayo ngekushesha, kukhula ngesigaba ngekuphangisa, kuphuma kwetiboya ngekuphangisa Kanye nekukhicita emaacandza lamakhulu lansundvu. Emacudze lasakhulile akala 3,5 kg, kube tikhukhukati tikala 2,6 kg. Labanye bahlanganisi babambe kutsi lenanhlobo inendlela yekubamba lencono phindze inelikhono lekukhokha emacandza langabamaningi njengetigaba talenhlobo letsengiswako. Le Leghorn Lemhlophe nguyinye yetinkhukhu letindzala yeluhlobo lelatiwa bantfu.
Tisuka eTaliyane taphindze taftfulwa njenge “Mataliyane” kwaze kwaba ngumnyaka wa 1865, emuva kwaloko tase tetsiwa kutsi ngema Leghorns eMelika. Le Leghorn la Ningizimu Afrika igucukele ngaphansi bebumcoka kusuka ngemnyaka wa 1940, kusuka kumave lafana nabo Ngilandi, Denmark, Australia, New Zealand, iMelika Kanye ne Germany. Letinyoni tikhuliswe taphindze takhiwa ngekuhamba kwesikhatsi kwentela kufanelisa indlela yase Afrika kanye netidzingo tayo.
Ema Leghorns Lamhlophe asetjentiswa ngetesintfu ekukhiciteni emacandza aphindze akhone kwenta indlela yesigaba sentsengo. Lamacudze akala 3,5 kg masekakhulile, ebe tikhukhukati tikala 3 kg nakusona lesisikhatsi.
Tranlsated by Phindile Malotana