Emahhoko Etindlu Tabologwaja

© Karoline Steenekamp

Tintfo Letisetjentiswa Nakwakhiwa Emahhoko abo Logwaja

Incumbi yemahhoko abologwaja akhiwe ngetihwayela te galvanise yetinkhukhu njengoba emahhuku etihwayela alula kuwaklina kepha lawa mahhuku kumele abekwe kumbe ebhilidini noma ngaphansi kwesakhiwo sesifulelo. Lihwayela lesiyilo kumele libe ngu 25 x 12.5 mm ngelinani bese lelihwayela lasemaceleni lingaba kumbe ngu 25 x 25 mm noma libe ngu 25 x 50 mm.

Emahhoko etigodvo (lakafulelwe) tingaba ngaphandle. Lamahhoko etigodvo anganika siyilo lesintofotelako kepha kudzinga umbhedze futsi asetjentwe ngendlela letfutfukile.

Emahhoko etjani noma tihlahlana temacembe ayasetjentiswa phindze anika kuvikeleka lokukahle esimeni selitulu kanye nakubatingeli. Siyilo lesilungiswa kucala sesilebu lesinetivalo temahwayela sisetjentiswa la Ningizimu Afrika.

Linani/Bukhulu/Buncane Belihhoko laloGwaja

Uma kutalwa bologwaja kumcoka kugcina ngamunye logwaja ehhokweni lakhe. Silisa (labadvuna) bangabekwa endlini lencanyana njengoba bahlala babodvwa ngaphandle nangabe lensikati iletselwe kuhlanganiswa.

Sifazane (letinsikati) tidzinga lihhoko lelikhulu nakukhonakala. Lelihhoko kumele libe nemakamelo lenele kwentela kubamba silulu selibhokisi lebantfwabakhe bese likhona kutfwala labancane labasakhula kuze kufike sikhatsi sekulunyulwa. Sibaya lesingaba ngu 1 m x 0.5 m siyabukwa njengesibaya sekuhlanganisela khona. (Bona timfanelo).

Tibaya tekulumula tisetjentiswa kungenisa sitoko lesincane nasesisuswe kubo make babo. Angaba nje mabili emahhoko ladzingekako alabasikati njengoba labantfwana babulili (bayahlukaniswa ngebulili babo) nasebalunyulwa bese nelihhoko liyadzingeka kwentela lalabasikati nalelinye lalabadvuna.

Sitoko sebulili lesincane singaya siyogijima emhlambini kwentela kukhula. Lelilihhoko lelikhulu, noma gijima, lapho khona labalishumi labasikati labancane bangakhula kanyekanye, noma labancane besilisa labalishumi. Kugijima kwemhlambi kungentiwa kusuka ehwayeleni, esigodvweni noma kungakhiwa esilebhini sasimende wetitini noma emapulango. Sidzinga siphakame kahle kwentela kutsi labologwaja bangazubeli ngaphandle. Sitebele lesidzala selihhashi lesinesiyilo sasemende singenta indzawo yekugijimela lekahle.

Translated by Phindile Malotana