Sibuketo Lesibukiwe seMkhicito
Emaprunes, iPrunus domestica, tinhlobo letehlukene tema Plum ase Europe. Ema Prune abekwa nema plum lomisiwe noma tinhlobo tema plum letilungele komiswe. Letinhlobo temaplum letisetjentiselwa komisa titselo letincane letivelile letimelula kutomisa. Ema prunes akhokhwa mhlabawonkhe kusuka kutinhlobo letiningi letingetulu kwelikhulu. Kukhokhwa lokugcwele kwemnotfo kuvame kufika ngemnyaka wesihlanu kusuka ekulinyweni. Kubalulekile kutsi kugadvwe umkhicito kanjalo nekuvumela letihlahla kutsi tikhokhe titselo letiningi ngemnyaka munye kungachubela ekukhiciteni lokuphansi ngesikhatsi lesilandzelako.
Emalungiselelo
Lama prunes akhiwa esikhatsini lesitsite sekuvutfwa kwentela kuwomisa, lekungulapho afika emkhatsini wema phawundi lamatsatfu kuya kulamane ngemfutfo. Loshukela ubese ngebukahle bawo ngaphambi kwekutsi lesitselo sitsatse kuvutfwa kakhulu kanye nekuwa kwesitselo kutsi kwenteke. Loku kungumcansanyana kutsi utfole lesitselo sivuniwe ngesigaba lesingiso. Umangabe inhlanyelo lekahle legadziwe seyilungiselelwe, ngako lesitselo kumele sibe sezingeni lelikahle kanye nekuvutfwa kanyekanye kumele kuvele. Kubalulekile kuba nesivuno lesenele ngesikali, kumbe ngemshina noma ngesandla. Futsi kuphindze kubalulekile kutsi kukhona sikali lesenele sekomisa dvute nendzawo yekukhicitela.
Umkhicito weMhlabawonkhe
Umkhiciti lomkhulu wemaprunes kube yi USA, ngawo onkhe lamaprunes lakhokhiwe eCalifornia, nomanje umkhicito wase USA sewuwele eminyakeni leyengcile. Lamanye emave lakhokha inhlanyelo yemaprunes elinani yii Chile, lekhokha lokuhambela kumathani lalikhulu letinkhulungwane emaprunes lomisiwe, iFrance kanye neArgentina. iNingizimu Afrika nguyona ikhokha kancane.
Umkhicito wase Ningizimu Afrika
Liningi lemaprunes ase Ningizimu Afrika likhokhwa eWestern cape. Umkhicito wase Ningizimu Afrika selinciphile, ngakubili kulokutsatfu, eminyakeni yemashumi lamane leyengcile, nemathani langaphansi kunenkhulungwane ngemnyaka, ngemaprunes lomisiwe lakhicitwa eminyakeni leyengcile. Kukhona, nomakunjalo, kufuna lokuvusetelwe kwekukhulisa lelitiko, kwentela kuveta lemakethe lensha lemelela iAfrika.
Kusetjetniswa
Emaprunes asetjentiswa etintfweni letiningi tekudla kwentela kunongotelisa lesinongo. Asinongo lesikahle sa Vitamin K phindze asetjentiswa njengemutsi noma liphisi nawucumbelene, ngenca yebukhona be fibre kanye ne Sorbitol.
Translated by Phindile Malotana