Curly Leaf Grass
Tjani Lobunelicembe Leligobile
Ligama
Curly Leaf, Curly Leaved Love grass (tjani lobunelicembe leligobile)
Ligama Lelathini
Eragrostis rigidior
Kusetjentiswa
Tjani lobusemadlelweni lanemacembe lacinile lambalwa. Tjani lobudlekako lobumcoka lobusetindzaweni letomile, lapho bungavela ngeliningi. Kuvela kwabo lokuvamile emadlelweni yindlela lekhombisako kuphatamiseka.
Inchazelo
Budze bulimitha linye. Lelicembe leligobile lelivulekile lingutjani lobunambitsako. Emacembe lomile avulekile futsi agobekile. Sihloko sembali sikhehle lesinemagala laphansi lahleleke ngetindingilizi. Licembe leliphansi ungatsi liphepha. Ngalesinye sikhatsi buneboya lobunemacembe noma timphandze ngentasi kweluhlanga ngentsasi kweluhlanga.
Indzawo
Tjani Lobunelicembe leligobile buhluma etindzaweni letiphatamisekile letifana netindzawo letindzala letikhulisiwe nasetindzawaneni letivulekile etindzaweni letidliwe kakhulu futsi noma emadlelo laphelile. Utfolwa kakhulu emhlabatsini lonematje lamancane nemhlabatsi lolula kakhulu. Buvela enyakatfo ye Afrika nase Mphumalanga ye Afrika khashane ngange Kenya ne Uganda. Ivama kuvela kakhulu etigodzini letifutfumele.
Timbali
Tiphuma ngenyanga yeMphala kuya enyangeni yeNkhwenkhweti eNingizimu Afrika.
