Chenel
Inchazelo
iChenel yiwayini yeligilebisi lelimhlophe lelihlanyelwe la Ningizimu Afrika laphindze lakhuliswa ngu Profesa Chris Orffer. Batali ba Chenel bo Chenin Blanc na Ugni Blanc (baphindze babitwa ngekutsi bo Trebbiano).
Lapho Bavela Khona
Bavela laNingizimu Afrika
Lamanye Emagama
Chenel uphindze atiwe nga K1, kepha Weldra ngulomunye wala Ningizimu Afrika lokhulisa lentalo ngalomndeni wa Chenel.
Kukhicitwa la Ningizimu Afrika
iChenel yakhicitwa eNingizimu Afrika ngemnyaka wa 1974. Cishe emahekitha lamashumi lamatsatfu nakutsatfu ahlanyelwa la Ningizimu Afrika (ngemnyaka wa 2016) kanye nehhafu (14.5 ha) yahlanyelwa esigodzini se Robertson.
Emavini lamadzala lasaphila ahlanyelwa ngemnyaka wa 1979 kulamapulazi eLaaiplaas lasendzaweni yase Robertson.
Tigodzi Letikhicitako
Sigodzi seRobertson sikhokha iChenel kakhulu. Sigodzi se Olifants ne Northern Cape tinetinhlanyelo temahikitha lasiphohlongo ngayinye, yinye ihekitha yahlanyelwa ngemnyaka wa 2016.
Kukhula
Isebenta kahle ngekutfutfuka kwekutimisela lokufana nekunisela kanye nekukhula lokuya etulu kanye nekukhokha linani lelingu (16-20t/ha) kuya ekukhuleni lokusetulu kwa 23-27t/ha. Ngenca yekwala kwayo kubola, ingahlanyelwa/ilinywe emhlabatsini lophansi ngekubamanti etigodzini letifutfumele.
Kuvutfwa
Yintalo levutfwa ngasekupheleni kwesikhatsi sayo, iChenel ivunwa ngemalanga lamane kuya evikini emva kwe Chenin Blanc.
Emacembe
Emacembe eChenel asemkhatsini, aluhlata lophansi aphindze abenekuvuvuka kancane nakayindingilizi kanye nekuma lokulula lokuhluke katsatfu.
Emagungumence
Emagungumence ayindingilizi ngesikali phindze anesikhumba lesisandingilizi lecije kancane lesincama kepha lesicinile. Emagungumence anejusi nekuvela lokusemkhatsini.
Tilokatane Nemagciwane
iChenel iyala ekugatukeni kweligumence kanye nesimo selitulu lesimanti ngakoke ingamelana nemuhlwa kanye nalamanye emagilebisi labolako. Cishe igonyelwe ku botrytis nasekuboleni lokumunyu.
Kusetjentiswa
iChenel ikhokha liwayini lelimhlophe losemkhatsini kanye nekusima lokukahle. Kuvelela kwalo lokusemkhatsini kanye ne ecidi lesetulu (6-8g/l) kwenta liwayini lelihle le brandy noma njengelisekela lelihlanganiswe nalamanye emawayini kwentela kukhulisa le ecidi kulewayini.
Kuvelela
Emawayini lakhiwe kumagilebisi eChenel anekuvela lokusemkhatsini kanye ne ecidi lesetulu.
Translated by
Phindile Malotana