Inchazelo
iBukettraude yinhlobo lemhlophe lenukelela kamnandzi/levelela kamnandzi yase Germany lesuka/lephuma kuntalo yemagilebisi eSylvaner ne Trollinger. Avutfwa muva eGermany kumuhlwa loyimphuphu, lentalo icishe yafa yaphela.Lapho avela khona
Avela eGermany.Lamanye emagama/emabito
iBouquettrabe, iBukettrebe, iBoxer, iReisling Bukett, iSylvaner Musque, iBukettriesling, iBocksbeutel, iWuerzburger.Kukhicitwa eNingizimu Afrika
Insimu yemagilebisi yekucala (leyabhalwa) yahlanyelwa ngemnyaka wa 1978 epulazini iLemoenfontein eceleni kwe Paarl. Kulima kwehlile kusuka kuma hekitha lamakhulu lamabili nemashumi lasiphohlongo ngemnyaka wa 2000 kuya kumahekitha lamashumi lasihlanu nakubili ngemnyaka wa 2016. Lining le Bukettraube (emahekitha langu 31.5) atfolwa endzaweni lese Swartland.Indzawo lekhicitelwa khona
Ngema hekitha lamashumi lasikhombisa kuphela eBukettraube laphilako/lakhona kulomhlaba, ngemahekitha langaba mashumi lasitfupha nesiphohlongo la Ningizimu Afrika (ngemnyaka wa 2014), kakhulu etindzaweni letifana nabo Cederberg, Paarl kanye ne Malmesbury.Kukhula/Kwandza
Lentalo inekuvumela kuya etulu, kepha ikhula ngemandla lamancane. Kudulile kuyikhulisa ngenca yekudula kwetintfo tekufutsa.Kuvutfwa
Leligilebisi livutfwa muva kepha loku kuhambela ekunciphiseni li acidi la 5-6g/l.Emagungumence
Lamagungumence lamakhulu, layindingilizi lanambitsako lanesikhumba lesicinile, ancama. Inencumbi lenkhulu, sikhehle/sitfungo lesishiyanako.Tilokatana nemagciwane
iBukettraube ihlale itfola emagciwane lafana ne oidium (umuhlwa loyimphuphu) kanye nelicembe leligocene phindze ingaba nekusha ngenca yelilanga.Kusetjentiswa
Ngemnyaka wema 80’s iBukettraube yentiwa ngendlela lenongotelako, yasetjentiswa njengentfo levunwa muva phindze isetjentiswe ekuhlanganiseni.
Inekwatiwa lokukalekile njengenhlobo leyodvwa yeliwayini nyalo, futsi kuhlanyelwa kwayo la Ningizimu Afrika kukalekile ngendzaba yekungakhuli kahle kwayo.
Kuguga kwe Bukettraybe akusiko kudze kunetinyanga letilishumi nakubili. Idliwa nemasaladi lababako, bo currie, tinyama letishiswe kancane noma emadizethi.