Weisser Riesling

© Glenneis Kriel

Tlhalošo

Weisser Riesling ke mohuta o mošweu wa beine, o šomišwa go tšweletša dibeine tša go gadima le dibeine tša go oma tša dienywa tše nnyane, le dibeine tša tanta e homotšego. E bonwa e le kgoši ya dirapa tša merara tša German.
Nyakišišo ya DNA e hweditše gore Gouais blanc ke motswadi o mongwe wa Weisser Riesling, eupša boitsebišo bja motswadi o mongwe ga bo tsebegale, go na le mabarebare gore mohuta o ka ba wa morara wa naga wa Traminer, goba wa hlakantšho magareng a mohuta wa naga le Traminer.

Tlholego

Mohuta wa Weisser Riesling o lemilwe kua Europe go tloga ka mengwaga ya magareng gomme o bontšha o tšweletše mo seleteng sa Rhine Valley sa Germany. Mohuta o ile wa fihlelela katlego e botse ka ngwaga wa 19 le 20 ge ditefo tša beine tše di be di swana le tša Burgundy le Bordeaux.
Kgakanego ya mmaraka, e fela, e ile ya tšweletša ge batšweletši ba ile ba tšea leina le tee la go swana mehuteng e mengwe go sepela godimo ga katlego ya papatšo ya Weisser Riesling ka ge e diregile le mo Afrika Borwa.

Maina a Mangwe

Mahlalošagotee ke: Rhine Riesling, Riesling, Petit Riesling le Ryn-Riesling.

Tšweletšo mo Afrika Borwa

Mafahla a mathomo a Weisser Riesling a tlišitšwe mo Afrika Borwa ka 1960; e be e thoma go ntšwa tšweletšong ya papatšo ka magareng a 1970. Bothata bjo bo ilego bja hlakana le mohuta wo, ke kgakanego ya mmaraka gare ga yona le Cape Riesling, nnete ke gore ga se Riesling e fela ke Crouchen.
Phetešo ya molao ka 2010 o ile wa thuša go lokiša kgakanego ye, phetego e ile ya tla ka tharollo gore leina la Riesling le swanatše go bolela ka beine e tšweletšego go tšwa go Weisser Riesling. Batšweletši ba ba golo ba Weisser Riesling mo Afrika Borwa, ba hlomile Just Riesling Association gore ba kgone go kaonafatša tsebišo le kgahlego ya mohuta wo.

Dilete tša Tšweletšo

Le ge dibjalo tša Wiesser Riesling di hwetšagala mafelong kamoka a tšweletšo mo nageng, lefelo la tšweletšo ke le le nnyane kudu. Dirapa tša merara tše ntši di hwetšagala mo Stellenbosch, e be go latela Cape South Coast le Paarl. Mohuta o dira gabotse gare ga boemo bja boso bjo fodilego.

Go Gola

Mohuta o gola ka lebelo la magareng, o na le bokgoni bja go buna ba magareng a go lekana le 10 t/ha to 12 t/ha.

Go Butšwa

Merara e butšwa ka pela; gare ga sehla go thoma mafelelong a Febereware go fihla ka mathomong a Matšhe.

Dithetlwa

Dithetlwa tša sebopego sa nkgokolo, bogolo bja magareng le mmala wa go phadima o motala wa go swana le serolane nnyana. Matlalo ke a masese e bile a tile, mola nama e le boleta gomme e na le todi.

Matlakala

Matlakala a na le sebopego sa nkgokolo, bogolo bja magareng le mmala o motata gomme a na le mathoko a mahlano.
©Glenneis Kriel

Dikhukhwane le Malwetši

Weisser Riesling e bokoa go le sour rot.

Šomišo

Mo gae mohuta o šomišwa go dira dibeine tša go oma goba dibeine tša difološetši (dessert wines) mo (Noble Late Harvest) goba (Natural Sweet styles).

Tatso

Mohuta o tšweletša dibeine tša go fapana, go swana le pale straw, mmala wa serolane. Mohuta o dira dibeine tša monkgo wo lekanyetšego ke mohlodi wa matšoba goba dienywa le dintlha tša periperi le mohlodi wa muscat.

Translated by Lebogang Sewela