Touriga Nacional

© Vititec

Tlhalošo

Touriga Naçional ke mohuta wa beine wo hubedu, gagolo o šomišwa tšweletšong ya motswako wa wa setaele sa Port, e fela gonablale o šomišwa gape tšweletšong ya beine e šweu, ya go baba. Phesente ya yona ga e tsebege.

Tlholego

Go na le kwano gore tlholego ya Touriga Naçional ke northern Portugal, e fela go sa na le ngangišano gore lefelo lefe. Lefelo la Douro Valley le bela gore mohuta o na le medu gona fao. Ba fahlela gore Mohuta o theilwe leina la Douro village, Touriga; mola Dão ba bela gore ke bona ba ilego ba tlhola mohuta wo.
Nyakišišo ya DNA yona, e ka mo lehlakoreng la Dao, ka ge selete se hlatsela gore se na le mafahla a mantši a mahuta wo; le mohuta wa Touriga Naçional go feta Douro. Go ya ka ditlamorago go bontšha gore mohuta o fihlile Douro morago ga ngwagakgolo wa lesome seswai. Mohuta wa Touriga Naçional ga wa bjalwa kudu mo Portugal, e fela o na le khwalithi ya godimo.

Maina a Mangwe

Mahlalošetšagotee a mantši a gona, go swana le Touriga, Touringa, Mortágua, Turiga le Bical Tinto.

Tšweletšo mo Afrika Borwa

Touriga Naçional e fihlile mo Afrika Borwa ka 1970s. Dibeine tša Overgaauw, kgauswi le Stellenbosch, ke tšona tša mathomo tše bjetšego mohuta ka ngwaga wa 1970s, o ka re go tlaleletša raranego ya setaele sa kgale sa dibeine tša port.
Ka 1992, Estate e ile ya ba naga ya mathomo go tšweletša mohuta o tee wa Port go tšwa merareng ya Touriga Naçional. Lefelo la De Krans kgauswi le Calitzdorp kua Klein Karoo še ba bjetše mohuta wa Touriga Naçional wa mathomo ka 1984 gomme ka 2000 e ile ya ba serapa sa morara sa mathomo mo nageng, sa go tšweletša beine ya mohuta o tee o tšwa mohutong wo.

Dilete tša Tšweletšo

Tšweletšo mo Afrika Borwa e sa le e lekantšwego, ka palo ya go lekana le 100 ha tše bjetsego ka 2016. Seripa sa dibjalo tše, se hwetšagala mo Swartland le Klein Karoo.

Go Gola

Mohuta o gole ka maatla e fela o tšweletša puno ya palo ya tlase, ya go lekana le magareng a 8 t/ha to 10 t/ha.

Go Butšwa

Merara e butšwa morago ga nako, magareng a sehla, go tloga magareng a Matšhe.

Dithetlwa

Mohuta o na le dithetlwa tša sebopego se sennyane sa oval, le letlalo la go tia la mmala o moso. Nama ya gona e na le mohlodi wa todi.

Matlakala

Mohuta o na le mmala o tala, bogolo ba magareng, sebopego sa nkgokolo le mathoko a ma hlano.

Dikhukhwane le Malwetši

Mohuta o bokoa go downy mildew.

Šomišo

Mo Afrika Borwa mohuta o šomišwa bjalo ka mohuta o tee goba motswako wa ditafola le dibeine tše hlwekilego, tša setaele sa port. Motswako o na le mehuta e mengwe ya Portuguese bjalo ka Verdelho, Souzão, Tinta Barocca and Tempranillo.

Tatso

Mohuta o tšweletša mohlodi wa go tsalwana le dithetlwa tse ntsho, mulberries, violets, roses le Tšhokolete e ntsho.

Translated by Lebogang Sewela