Mapokisi a swanetše go ba bonolo go a laola le go a hlwekiša. Go kaone go a beya ka bothakga mothalading, e ka ba ba bo tee goba ka swaro ya bobedi. Mabati a dihoko a swanetše go ba kgolo kudu go lekanego go kgona go ntšha mutla ga bonolo le go netefatša gore go hlwekiša go ba bonolo.
Ka e swaro ya botee, lebati le ka ba ka godimo goba ka pele ga hoko, eupša ka dihokong tše lapilego, lebati le swanetše go ba ka pele. Maswaro a lebati a swanetše go ba maatla ka botlalo go netefatša gore mebutla ga e tšwele ka ntle.
Ge dihoko di beilwe ka methaladi, gopola go dira tselana lefelong le bogareng bja dihoko ka bophara bjo bo lekanego go kgona go šoma ka boiketlo. O swanetše go kgona go sepetša kiribane ka mothalading.
Mmutele ke setšweletšo thoko sa bohlokwa kudu sa bolemuring bja mutla ya temo le ditšhila.
O se lahle mmutedi goba malao ka ge se e le sedirišwa sa bohlokwa se se ka fetolelwago go tša manyoro a go nontšha serapana sa gago sa merogo. (bona karolo ya ‘mmutele' go bala ka botlalo).
Mabato a kota a swanetše go ba le malao. Se se ka ba bupi bja mapolanka, furu goba bjang bja go oma. Dihoko tša mathale a go bofiwa di swanetše go ba le threi ya go swara mmutele magareng ga dihoko. Se se ka ba threi ya tšhipi goba lesenke la polastiki le boima a latetšwe la go bofšwa ka fase ga lepokisi la maemo a godimo.
Lebato la ka fase ga dihoko le swanetše go hlwekišwa ga bonolo. Ge e le gore go na le lebato la mabu, e swanetše go swielwa ka mehla ge lebato la khonkrithi e na le llaga ya bupi bja mapolanka goba mabu ao a ka tlošwa gomme a bewa ka godimo ga manyoro.
Ga go na le nyakego ya go tloša mebutla ge go hlwekiša dihoko ka ge mebutla e tloga e sa swenyege ge motho a swarwaswara ka dihokong tša tšona. Fela ka mabaka a bothata a go lokiša hoko ka mollo moo mutla o lwalago, go swanetše go tlošwa mutla.
Translated by Lawrence Ndou