Nouvelle

© Vititec

Tlhalošo

Nouvelle ke beine ya morara e šweu, ya mo Afrika Borwa, e tšweletše ka 1964 ke Professor Chris Orffer wa kua Unibesithi ya Stellenbosch ka open-air hybridization gare ga dirapa tša merara. Batswadi ba Nouvelle’s ke Cape Riesling (Crouchen Blanc) le Ugni Blanc (Trebbiano). Nouvelle e tšweletša dibeine tše šweu tša mohlodi wa bjang wa go kwagala kudu le ge di godišitšwe dileteng tše borutho.

Tlholego

Afrika Borwa

Maina a Mangwe

Ka matšatši a yona a teko, Nouvelle e be e bitšwa ‘Grass 26 varietal’ (Mouta wa bjang)

Tšweletšo mo Afrika Borwa

Histori ya Nouvelle’s e tšwa morago, kgale nnyane; go sehlopheng sa KWV sa go kaonafatša dibjalo, fao dirapa di ile tša bjalwa gare ga mother-blocks tše nnyane, tše šomišitšwego ka nako ye motswako o ilego wa hlomiwa ke Professor Orffer magareng a ngwaga wa 1958 le 1962 gomme go ya ka SA Wine Industry Information & Systems (SAWIS) block ya papatšo ya mathomo ya Nouvelle e hlomilwe ka 1989 mo seripeng sa polase ya beine ya Boschendal kgauswi le Franschhoek.

Dilete tša Tšweletšo

Nouvelle e bjetšwe dileteng kamoka tše kgolo tša go bjala merara mo Afrika Borwa gomme mafelo a go swana le Robertson (136ha), Worcester (74ha), Breedekloof (66ha) le Paarl (54ha) a na le palo e kgolo ya dibjalo.
Mohuta o godile go tloga 29ha ka 1998 go fihla 429ha ka 2016. Gagolo o lemogile ke Boland Cellars, ka ngwaga wa 2004 Nouvelle e ile ya thopa mogopo wa South African Young Wine Show Trophy ya beine ya phokgo mo legorong la ‘Other White’.

Go Gola

Nouvelle ke mohuta wa palogare ya godimo, o gola ka maatla e bile o na le puno ya godimo, mohuta o kgona go dira gabotse mobung wa godimo le mobung wa magareng.

Go Butšwa

Nouvelle ke mohuta wa go butšwa ka pela, o ka buna ka pela, magareng a senhla, magareng a kgwedi ya Febereware.

Matlakala

Matlakala a Nouvelle’s a na le bogolo ba ka magareng go na le le a magolo, a na le mathoko a mararo, mmala o tala gomme ka fase ke a boreledi.

Dithetlwa

Dithetlwa tša Nouvelle’s ke tše nnyane le tše kgolo, di na le sebopego se se nnyane sa motopo le mmala o bofefo. Letlalo la tšona le tile kudu, le nyakile go swana le leather, letlalo la gona le dira gore dithetlwa di kgone go lwantšha botrytis.

Dikhukhwane le Malwetši

Nouvelle e bokoa go oidium le downy mildew, e fela e kgona go lwantšha moya. Dingata tša mohuta tša go hlepha di thuša go lwantšha botrytis.

Šomišo

Nouvelle e tumile ka go šomišwa gare ga motswako wa beine e šweu le Semillon, Sauvignon Blanc goba Cape Riesling ka go tlaleletša mohlodi wa bjang, dintlha tša periperi tše tala go fihla mafelelong a beine.

Tatso/Mohlodi

Nouvelle e tšweletša dibeine tša mohlodi wa bjang wa maatla le moanegwa wa periperi. Ge e ka topiwa ka pela di ntšha mohlodi wa bjang, periperi ya go kwagala kudu e fela ge e topilwe e sa butšwitše e dintšha mohlodi wa bubble gum.

Translated by Lebogang Sewela