Mengwang e beile ka dihlopha ka maemong a go swana le mohuta wa ditlakalaphara, mabjang, tša ngwagangwaga. Ka dijarateng tša moterebe tša go oma go tla ba le mengwang ye bontšhi e golago ka marega le seruthana le ka mafelong ao a nošetšwago kudu gantšhi ke mabjang le mohlaka. Motšweletši o swanetše go tseba mekgwa ya go fapana ya mengwang, go fa mohlala, ge eba ke mengwang ya ngwagangwaga goba mabjang a ngwaga bjalo ka mengwang e ka fapana ka go tsenelwa ke dibolayangwang. Go diriša dibolayangwang momabjang le mengwang ya tlakalaphara gape a fapana. Go tšwela pele ka go šomiša dibolayangwang go ka hlola koketšego ya mengwang ya ditlakalaphara.
Nako ya taolo e bohlokwa kudu mabapi le go šoma bokaone ga dibolayangwang bjalo ka tšhomišobošaedi e ka senya meterebe ye mefsa. Taolo ye e tšwelago pele ga ge dibjalo di ntšha e ka fokotša mengwang kudu. Ka go le lengwe, go tlošwa ga mengwang go ka hlola mabu a mantšhi gore a utollwe go ba letšatšing ka go oketša moyafalo le kgogolegommu. Ka meterebe a bjetšwe ditshekamong, digatšetša le menontšha di ka se elela gomme tša tšhilafatša methopo ya meetse.
Kganetso ya mengwang go digatšetši tša sekhemikhale ke bothata bjo bogolo, ka fao go bohlokwa kudu go fetogela go tšhepidišo ya taolo ya mengwang. Tshepedišo ya taolo ya mengwang e kopantšwego ke kopanyo ya mekgwa ya go fapafapana ya go laola mengwang. Tše di akaretša metšhene, ya diatla, mekgwa ya dikhemikhale goba ya tlhago. Sephiri sa taolo ye e kopantšhwego ya ngwang ke go kopanya mekgwa ye e fapafapanego gore mengwang e se tšweletše kganetso.
Mokgwa o mongwe wa popego ya taolo ya ngwang ke go tlogela dibjalo go gola ga botse ka moo go kgonegago gore go sa be le phadišano le mengwang. Popego ye e fapanego ya mokgwa wa taolo ya ngwang ke go tsoma go sego molaong goba go bjala dibjalo tše di šireletšago mabu magareng ga dibjalo tša leruri tša go swana le meterebe goba mehlare ya dienya. Go thibela bothata bja popego ya peu ya mengwang, outse e ka bjalwa tšhireletšo ya dibjalo. Furu goba furu e o so omilego ga bjale e ka dirwa go tšwa go outse le/goba mengwang. Gape go hweditšwe gore khupetšo, dibjalo tše dingwe tša tšhireletšo tše itšego la phetošo pšalo ya dibjalo e ka laola go mela ga mengwang.
Translated by Lawrence Ndou