Mathata a Mangwe a go Bipelwa a Dikolobe

Go bipela

Go bipela ka tlwaelo go hlaga ge dikolobe tše tshadi di imilego, ka maswao a go swana le moloko wa go oma, ka mokokotlo wa go kobega goba dikolobe di ba le tapišo le medumo ya bohloko ge dintšha moloko le tšweletšo yennyane.
Kalafo
Go bipela go ka thibelwa ka go oketša digwaši ka dijong. Dibekeng tše mmalwa pele ga pelego, furu ye tala le/goba moroko, di ka okeletšwa ka dijong go thibela dikolobe go bipela. Go swanetše go netefatšwa gore ka mehla dikolobe di hwetša meetse a a lekanego.
Pig Association ya Amerika, e eletša balemi go alafa dikolobe tša go bipela ka go di fa motswako wa kotara ya apola, matutu wa prune goba cranberry le meets a go lekana 3/4. Go oketša marotse goba dienywa ka dijong go tla thuša gape.

Go šuta ga setho

©Glenneis Kriel
Go šuta ga setho go ka direga ka bogolo bjo bongwe le bjo bongwe, eupša ka tlwaelo, go ama dikolobe tše tshadi ka morago ga pelego goba dikolobe tše golago ge di ka gare ga 25 kg le 100 kg. Diteng tša dikolobe tše nnyane di na le go šuta goba di phetlega ge di ota letšhologo.
Dikolobe tše di amegago, ka tlwaelo di na le mpa ya go ruruga, gantši ka protruding rectum. Setho se tla ruruga e be se robega, se hlola bohloko kudu, letshogo le lehu. Nakong ya post-mortem, a setho se se amagilwego, ka tlwaelo spleen, mpa, goba sebete, di tla di a gola gomme gantši go ba madi ka ka tlase ga mpa.
Go ya ka NADIS Animal Health Skills, go šuta ga ditho bo ka hlolwago ke jo ja kudu, phepo ya furu ya marega ya dijo tša monola, phepo, go se je ka swanelo, dijo tša monola wa godimo goba colitis.
Kalafo
Taolo ye botse le taolo ya dijo tše di di jago di tla thuša go thibela go šuta ga ditho. Go thibela go šuta ga ditho South African Pork Producers Organisation ka gare ga puku ya bona ya tšweletšo Pigs for Profit, e eletša balemi gore ba fepe dikolobe tša bona gararo ka letšatši go thibela lethabo ka dinako ya go fepa le go theoša moya wa dikolobe go efoga go taboga ka pela ka morago ga pelego.
Letšhollo le swanetše go alafiwa le go thibelwa ka moo go kgonegago.

Rectal Prolapse

Ka rectal prolapse, rectum tla be e rurugile go tšwa mo maragong. Maemo ka tlwaelo a bonwa go dikolobe tše nnyane. Go ya ka Pig for Profit, e ka bakwa ke kgatelelo ya mpa ka fase goba tapišo, gantši ka lebaka la pitlagano le koketšego ya dikolobe tše nnyane ka marega. Mpholo, go swana le mycotoxins e hlolwago ke mouta ka gare ga furu k e dira gore dikolobe di be kotsing ya maemo a.
Kalafo
Dikolobe tše di amegago di swanetše go hlaolwa gomme e be di fiwa dijo tša go koloba ge go kgonega. Pigs for Profit e lemoša balemi gore ba se leke go tloša goba go tsenya karolo ya rectum yeo e emego: gantši e a tšwa, e tlogela lesoba la go šoma”. Boima bja go hlana dikolobe bo tla huetšwa gampe.

Translated by Lebogang Sewela