Maemo a Bosa ke Eng?

©Adam Peterson
Maemo a bosa a lefelo la temothuo a laola go swanela ga sebjalo bjalo ka ge sebjalo se sengwe le se sengwe se na le dinyakwa tše di itšego tša mamemo a bosa. Tše dingwe tša dintlha tše bohlokwahlo kudu ke tše di laolago phethong maemo a bosa di akaretša, diyuniti tša phišo, diyuniti tša go tonya go go botse, botelele bja letšatši, monola wa go kwagala, tšhwaane, sefako le phefo.

Maemo a Bosa le Pula ka Aforika Borwa

Aforika Borwa ke naga ye e fišago, ye e omilego, ka palogare ya pula ya ngwaga ya go feta 65% ya lefelo la bokagodimo bja yona e lego ka fase ga 500 mm. Pula e bonwa bjalo ka phokotšo ya go atlega ga tšweletšo ya dibjalo ye e fepwago pula. Dibjalo tše mmalwa di na le dinyakwa tša go ba godimo, go swana le dirapa tša teye tša go nyaka 1 000 mm ka ngwaga.
Tlhago ya sehla sa pula ka Aforika Borwa e hlohleletša nošetšo le ge e le gore ka mafelong a temothuo a palogare ye e godimo ya pula ka ngwaga. Dibjalo tša dikenywa tše di hlohloregago ka Ceres ka Kapa Bodikela ke mohlala. Dibjalo di nošetšwa nakong ya selemo ye e omilego bjalo ka lefelo le le fela le amogela palogare ya pula ya ya godimo ya ngwaga ka marega.
Ka lebaka la gore Aforika Borwa ke naga ya go fiša, go oma palogare ya tahlegelo ya meetse ka ngwaga ke ya godimo ka lebaka la moyafalo wa godimo le go godiša tlhokego ya meetse a go nošetša.

Maemo a Bosa a Magolo ke Eng?

Maemo a bosa a magolo a šupa maemo a bosa mo kelong ya bosetšhaba goba ka nageng. Mafelo a magolo a nago le mehuta ye e swanago ya maemo a bosa a dirwa dihlopha mmogo le laetšwa mmepeng. Tše di ka hlaolwa go ya ka dikopanyo tša mmellwa ya maemo a bosa ye mmalwa go swana le dilete tša maemo a Köppen.
Hlaolo ya maemo a bosa a Köppen a arola maemo a bosa ka mehuta ye mehlano, ya go emelwa ke ditlhaka tše kgolo, ya A, B, C, D le E. Go fa mohlala A ke a go fiša gomme E ke a go tonya.

Maemo a Bosa a Meso ke Eng?

Maemo a bosa a Meso a šupa. Mehuta ye mmalwa ya maemo a bosa a meso a ka hwetšwa ka gare ga tikologo ye itšego ya maemo a bosa a magolo.
Dihlaodi tša maemo a bosa a meso ke mekgwa ya tšona ya phatlalatšo ka tikologong ka tlwaelo di laolwa ke tikologo. Tikologo e akaretša dilo tša go swana le meedi, dithaba le dinoka.
Maemo a bosa meso ka Magaliesberg go kitimela go ya bohlabela bodikela go tšwa ka Pretoria go feta Rustenburg a fa mohlala o botse kudu. Mekgokološa ya ka bogareng ka thokong ya ka leboa la thaba e fiša kudu go feta ka bogareng bja mekgokološa ka lehlakoreng la ka borwa. A ka fao ke maemo a bosa a mabedi a go fapana.
Mekgokološa ya ka leboa e lebane go ya letšatšing le mokgobo lo itšego wa mahlasedi a letšatši a khupeditše lefelo le le nnyane kudu, go realo le fa yuniti ya phišo ka lefelong leo.
Mekgokološa ya ka leboa ya ka Magaliesberg e hloka tšhwaane gape e na le dithemperetšha tša godimo tša ngwana ka moka gomme di swanetše dibjalo tša senamune le dibjalo tša go fiša ka fasana ka fase ga nošetšo. Mekgokološa ye fase ya maoto, le ge go le bjalo, e na le maemo a bosa a fapanego go tloga bogareng bja mekgokološa. Mo, marega a tonya le tšhwaane e dira gore lefelo le le se lokele dibjalo tša go fišanyana.

Maemo a Bosa a Mannyane ke Eng?

Diphapano tša maemo a bosa gantšhi di amana le mafelo a tlhago a ma nnyane.
Nošetšo gantšhi e šomišwa go fetoša maemo a bosa a mannyane: tšhemo ye e nošetšwago ka lefelong la go nyaka go omelela goba leo le omilego a fapana go tšwa go lefelo la go dikologa lefelo la go sa be le nošetšo, kudukudu ka mafelong a leganata.

Translated by Lawrence Ndou