Go Kgoboketša Meetse a Pula go tšwa Marulelong

Go kgoboketša meetse goba ‘puno ya meetse a pula’ go tšwa marulelong ka lebaka la ka ntlong le serapa go dirišwa ka bophara go kgabaganya Aforika Borwa – ka mafelong a dinagamagaeng le go oketšega kud ka ditoropokgolong. Se se ra gore nako ye nngwe le ye nngwe ge pula e na, mettse a kgoboketšwa ka lebaka la go šomišwa nakong ya dikomelelo.

Go kgoboketša meetse a pula go fokotša go phela ka kabo ya meetse ya masepala le matamo a go boloka meetse. Gape go thuša go boloka meetse, go fokotša mafula le kgogolego ya mabu gomme e tla fokotša theko ya meetse. Godimo ga moo, meetse a pula a hlwekile gomme ga a tlala dibolayasenyi le dikhemikhale.

Go Kgoboketšwa Meetse a Pula Bjang?

Meetse a pula a ka kgoboketšwa go moago ofe goba ofe ka marulelo - ntlo, ditale, mafelo a go emiša difatanaga bj.bj.. Tanka goba letamo e ya hlokega go boloka meetse le meedi ya marulelo goba dipeipi di a nyakega go lebiša meetse go tšwa marulelong go ya ka gare ga tanka.

Ditanka di ka sepela go tšwa go matamo a magolo a ditena go ya go difaki matamo le dipakete tša polastiki. Maruleloa ge a le magolwane, tanka e kgolwane e tla nyakega.

Dipeipi tša meetse tše kaone ke tša go lwantšha UV tša go swana le ISI HDPE le dipeipi tša PVC. Dikelelatšhila mafelelong a meedi ya marulelpo e swanetše go lokelwa ka lelokwa la mathale go thibela matlakala le dilo tše dingwe di gogolelwe ka gare ga tanka.

Go eletšwa go šomiša fapošo ya tshwamare ya mathomo. Se se ke sedirišwa sa go fapoša bokaakang bja mathomo bja meetse a pula le ditšhila ka moka go tšwa marulelong go tsenela ditankeng. Meetse a mathomo ao a tlogago go tšwa marulelong ka morago ga dipula a ka ba a tšhilafešet ka rusu, lerole, dithorwana tša dinonyana le dikhemikhale. Fapošo ya tshwamare ya mathomo e tla kaonafatša boleng bja meetse a go nwa, go fokotša go rusa ga dipeipi le go fokotša lerag le le agelang ka gare ga ditanka. Le tlhahli ya kakaretšo ka tshwamare ya mathomo e swanetše go tloša dilitara tše ka bago 40 tša meetse ka 100 m 2 ya lefelong la kgoboketšo ya meetse. Ka mafelong a lerole goba ka mafelong a ditoropong le tšhilafatšo ya moya, sedirišwa se segolo sa tshwamare ya mathomo e ka nyakega.

Tlhokomelo ya Meago ya go Buna Meetse a Pula

©JoJo Tanks

Meedi ya marulelo le marulelo a swanetše go hlahlobja ka mehla le go bewa e le ye hlwekilego le go se be le lerole, matlakala, dithorwana tša diphoofolo le dinonyana, diphoofolo tše hwilego, dikhunkhwane le dikhemikhale. Ge marulelo a hlwekile le meedi ya marulelo, go tla ba le meetse a hlwekilego.

Hlwekiša mehlotlo efe goba efe ye e hlomilwego ka pipeipeng goba gare ga tanka. Lekola tanka ya gago ka lebaka la leraga makgetlo a ka bago mengwaga ye mengwe le ye mengwe ye mebedi go iša go ye meraro. E tloše ka go e ntšha goba go kgothola tanka ya gago ka botlalo. Kagelo ya leraga ke leswao la gore marulelo le meedi ya marulelo di na le ditšhila. Tloša kagelo ya ditšhila tše di kgobokeditšwego godimo ga tanka.

Translated by Lawrence Ndou