Kakaretšo ya Setšweletšwa
Difaola, Prunus domestica, ke mehuta ya go fapana ya diporeima tša Yuropa. Faola e kakaretšo diporeima tša go oma goba mehuta ya diporeima yeo e loketšego go omišwa. Mehuta ya poreima yeo e somišwago go omiša e mela dienywa tše nnyane tšeo di lego bonolo go oma. Difaola di tšweletšwago lefaseng ka bophara go tšwa go mehutahuta ya go fapana ya go feta 100. Dipoelo tša ekonomi ka tlwaelo di fihla ka ngwaga wa bo 5 go tšwa go pšalo. Go bohlokwa go laola tšweletšo kagobane go dumelela mehlare ye gore e mediše dienywa go fetišago ka ngwaga go tla fokotša tšweletšo ya sehla se se latelago.
Peakanyo - le go Swara
Difola di topowa ka nako ya maleba ya go butšwa gore di omišwe, se ke ge di fihla magareng ga kgatelelo ya 4-pounds. Swikiri o loka pele ga ge dienywa di butšwa go fetiša le dikenywa di thoma go tšwelela. Se ga se bonolo go buna dikenywa ka moka ka nako ya maleba. Ge go na le taolo ye botse ya dibjalo, seenywa se swanetše go ba le bogolo bjo botse le mmala wa go laetša go butšwa. Go bohlokwa go ba le bokgoni bja go buna, ka semotšhene gob aka diatla. Go feta fao go bohlokwa gore go ne le bokgoni bja go omiša ka mo kgauswi ga lefelo la tšweletšo.
Tšweletšo ya Lefase ka Bophara
Motšweletši wo mogolo wa difaola ke Amerika (USA), ka ge bontši bja difaola di tšweletšwa ka mo California, le ge e le gore tšweletšo ya Amerika e theogile mo mengwageng ye mmalwa ye e fetilego. Dinaga tše dingwe tšeo di tšweletša difaola ke Chile, yona e tšweletša dibjalo tše di k aba go 100 000 tonnes tša difaola tša go omiša, France and Argentina. Afrika Borwa e tšweletša difaola tše nnyane fela.
Tšweletšo ya Afrika Borwa
Bontši bja difaola tša Afrika Borwa di tšweletšwa ka mo Kapa Bodikela. Tšweletšo ya Afrika Borwa e hunyetše, ka bopeditharo, mo nakong ye e fetilego, ka fase ga mengwaga ye forty, ka 1000 tonnes ka ngwaga, ya di difaola tša go omišwa tšeo di bego di tšweletšwago mo mengwageng ye mmalwa ye e fetilego. Go na le kgahlego yeo e tsošološitšego go godiša indasteri ye, go ikhweletša mebara ye mefsa ya Afrika.
Tšhomišo
Difaola di šomišwa ka gare ga dijo tše mmalwa go fa mohlodi. Ke mothopo wo mobotse wa vitamine ya K ebile di šomišwa bjalo ka laxative go tloša go bipela, ka lebaka la go ba gona ga tlhale le sorbitol.
Translated by Lebogang Sewela