Dikeletšo Mabapi le Phepo ya Diruiwa tša Mapheko

© Chris Daly

Phepo ke ditshenyegelo tše kgolo kudu tša balemirui ba diruiwa tša mapheko, ka dinako tše dingwe e tša maikarabelo a go feta tše 50% ya ditshenyegelo tša tšweletšo. Le go le bjalo go na le makatika a mmalwa a go fokotša ditshenyegelo le go dira gore bontšhi ka se o nago le sona:

Didirišwa tša Lefelong la go Rutha

©Chris Daly
Go reka furu ye nnyane ka motho o mongwe go iša ditshenyegelo godimo. Go rarolla bothata bjo, Ngaka Charlotte Nkuna wa Mokgatlo wa Diruiwa tša mapheko wa Aforika Borwa ka lekwalo ka Farmer’s Weekly gore balemirui ba goga didirišwa le go reka dinyakwapšalo tša go swana le ditšuwane, furu, meento le malao, ka bontšhi thwii go tšwa go baabi ba dithoto, go swana le ditšhilong tša furu goba dibeeliše. Se go ka diragala gore se direge ka mehla ge balemi ba dula kgole le ba bangwe, eupša balemirui ba swanetše go bolela mmogo go leka go kgona go rarolla ditlhohlo tše.

Efoga Boleng bjo bo Fokolago bja Furu

Ge o reka furu, netefatša gore o reka go tšwa mothopong wa maleba. Bothata bja difuru tša tša maemo a fase ke gore e ka hlola mathata a phepo yeo e ka go hlolago tšweletšo ye e fokolago, go gola le go neela dinonyana kotsing ya malwetši. Dijo tša kgale gape di iša malwetšing a mangwe.
Go swanetše gore furu e be ya boleng bjo bobotse yeo e lebelesitšwe go dinyakwa tša diruiwa tša gago. Phepo ya dikgogokgadika, go fa mohlala, e swanetše go ba ya maatla a godimo le boteng bja protein gona le phepo ya dikgogopeelo, ka ge go nyakega gore dikgogokgadika di hwetše boima ka lebelo go feta dikgogopeelo.
Bjale seo se le go boleng bjo bobotse dijo ke eng?
  • Furu e swanetše go hloka mpholo le dilo tše kotsi.
  • E swanetše go ba ye foreše le go hloka mouta. Ga e ya swanela go ba le monkgo o mobe goba go sego monate gomme e swanetše go lebelega e le foreše.
  • E swanetše go tšweletšwa go tšwa go ditswaki tša boleng bjo bobotse.
  • Ditšweletšwa di swanetše go swana le go se ka fapanafapana go tloga go betšhe ye tee go ya go ye nngwe.
  • Go swanetše go be le nomoro ya betšhe, nako ya tšweletšo le dikgokagano go dumelela go e sala morago bonolo ge se sengwe se sa sepela gabotse.

Poloko ye e Nepagetšego

©Chris Daly
Poloko ya kgonthe e thuša go šireletša boleng bja furu. Bjalo ka ge furu e ba ya kgale, e lahlegelwa ke mohola wa yona wa phepo, seo se bolelago gore furu ye nngwe e ya nyakega go swara tšwelelo ya dinonyana go feta boleng bjo bobotse go feta ge furu e ya boleng bjo bo botse e šomišwa. Furu ya boleng bjo bo fokolago gape e oketša dikotsi tša malwetše.
Poultry World o e na le maele a latelago ka poloko:
  • Furu e swanetše go bolokwa e omile, ka ntle le mahlasedi thwii gomme e tsenwa ke moya gabotse.
  • E swanetše go šireletšwa go tšwa go diphoofolo tša lešoka, dikokoni le dikhunkhwane le disenyikhunkhwane tše dingwe, e sego fela go thibela tahlego ya furu, eupša gape ka lebaka la gore disenyi tše di ka šilafatša furu.
  • Furu go ka kgethwa gore e bewe ka go tlošwa lefaseng, go thibela phokafalo ya lefase.
  • E swanetše go bewa kgole le dikhemikhale le diokobatši.
  • Ge e beiwa ka ditšhelong, ditšhelo di swanetše go hlwekišwa pele furu e tlaleletšwa ka ye mpsha go yona.
  • Mafelong a polokelo a swanetše go swarwa a hlwekile.

Dira ya Gago

©Chris Daly
Ge e le gore o na le phihlelelo ya boleng bjo bobotse ba metswako, go swana le lehea, dinawasoya, dijo tša hlapi, lehea la koro le sonoplomo, o ka tšweletša furu ya gago. Kgopela mokaodi wa koketš goba setsebi sa phepo ya diruiwa go go thuša go bopa kgopolo tekano ya go rarolla dinyakwa tša phepoya dinonyana tša gago ka dinakong tše di fapanego tša tšweletšo.
Go ya ka Poultrysite.com, Jan Grobbelaar wa Dumela Poultry Solutions o na le maele a a latelago go balemirui bao ba ka se kgonego go reka furu. Sa mathomo, ba ka tšweletša dobokwana tša go fofa go fepa dinonyana. Se se ka dirwa ka go bea dijo tša go lahlwa tša go bola, go swana le khabetšhe, ka paketeng yeo e fegilwego paleng. Dijo tša go lahlwa di tla goketša dintšhi, tšeo di tla beelago mae a tšo ka go yona. Mašoba a swanetše go dirwa mo botlaseng bja pakete, gore dibokwana, tšeo di tla sepesepelago ka fase ga pakete di tla wela go tšwa ka mašoba a. Pakete ye nngwe e ka bewa ka fase ga pakete ye e tšweletšago dibokwana go swara dibokwana.
Kgetho ya bobedi ke go buna mohlwa. Mabapi le tšweletšo ye e swarelelago, Grobbelaar o ruta balemirui go tloša fela karolo ya seolo ka go dira lešoba go sona. Go tloga fao lešoba le a khupetšwa ka bjang go akgofiša tsošološo ya seolo. E ka tšea dikgwedi tše senyane pele seolo se ka bunwa gape.
Kgetho ye nngwe ke go abela lehea la go ba le mmotu leo le sa swanelago go jewa ke batho go dinonyana. Le ge se se ka hlagiša kotsi ya bolwetši bjo kotsi, kotsi e fase ka dikgogong tše di jang dibodu tša go topiwa ka ge di le thata kudu go feta dinonyana tša sebjalebjale tša kgwebo gomme di kgona go swara dijo tše di rilego kaone.

Translated by Lawrence Ndou