Umanyoro Ohlaza Satjani Ngokombala kanye Nezepilo Zehlabathi

© Akkerwijzer

Umanyoro ohlaza kutjala iintjalo ngomqopho munye kwaphela wokwenza nqhono ihlabathi. Umanyoro ohlaza satjani (vala iintjalo) wenza qhono ihlabathi ngeeendlela ezilandelako:
Ngezelela Izinto eziphilako wakhe ubuswe ehlabathini
Faka izakhi emagciwaneni
Vala iintjalo khiphela izakhi ezingaphasi ehlabathini uzifake ehlabathini engaphezulu
Faka ama-legumes azombeleze kuma-phosphates kanye ne-sulphur ziphakamise i-soluble nitrogen (N)
Ihlabathi yangaphezulu kanye nebumba iyaphuka, ukwenza qhono ukungenelela kwamanzi nomoya ehlabathi
Aphungula ukurhurhuleka kwehlabathi
Umanyoro ohlaza ngokombala ungendlela ibizo layo liwutjho ngayo: abakhiqizi bathenga imbewu beyithengela ukuyitjala, begodu angeze bavune, kodwana batjalela ukwenza qhono ikhwalithu yokondleka kwayo. Iimbonelo zazo intjalwezi kubalwa i-oats, chickpeas kanye be-lucerne/ibhala. Tjheja bona imidumba/legumes isetjenziselwa ukuvala iintjalo ukwenzela ukuzivundisa, imbewu kufanele i-graftiwe nge-bacteria ukwenzela ukuqinisela bona i-nitrogen iyalungiseka.
Umanyoro ohlaza ungatjalwa hlangana namareyi weentjalo ezahlukahlukeneko, ibese ihlanganiswa nehlabathi akutlhogakali bona itjalwe endaweni engasetjenziswako, izokusebenza ukulawula ikhula ivale nehlabathi. Nakungarhonakali bona ifakwe ehlabathini, amalunga ahlaza angavunwa asetjenziswe njengekhomposti. Kodwana into embi ngomanyoro lo, endaweni evulekileko kokobana indawo leyo ngeze yasetjenziselelwa ngesikhathi sokutjala sinye kodwana irholela ekubeni nekhwalithi yehlabathi begodu isetjenziswa ukujamisela isivundisi.
Umanyoro ohlaza usebenza kuhle lokha iintjalo nazithoma ukubloma, begodu ngeskhathesi uletha inzuzo ekuvundiseni ihlabathi. Ngombana ngeskhathesi sele ihlakazeka itjaleka ehlabathini. Nayingaspreyiwa nge-microbial inoculants ngaphambi kokobana ifakwe, izokungezelela i-microscore esehlabathini yenze qhono ihumasi yokwakha izinto zokwakha ehlabathini.
Ubuswe benzeka lokha i-organic material lokha iphulelwa kumakhomponentji ma-bacteria kanye nama-micro-organisms. Kuvela into enombala osahlabathi. Into le ibizwa bona bubuswe begodu bumumethe izakhi ezitlhogakalako ekukhuliseni iintjalo. Ubuswe busebenza njengespontji njeke burhelebha ihlabathi ukubamba ubuswe benze izakhi zesitjalo. Isakhiwo esiwakwesi sirhelebha ukuphula ihlabathi elibumba elibudisi yenze ihlabathi eyisanda bona ibambe amanzi kancani. Amanzi onakeleko kanye nokurhurhuleka kwehlabathi kuphungulwa yihumusi.

Translated by Busisiwe Skhosana