Ukutjala i-Basil

© Marinda Louw

Ukuyitjala

Ukutjala i-basil itjalwa ngembewu kodwana ungayitjala nangokuyisika kwenze. Abarhwebi abayitjala ngomqopho wokwenza inzuzo bayitjala ngembewu nanyana amaplantjisi kujwayeleke kobana enziwe ebhodulukweni elivikelekiweko nanyana ku-greenhouse nanyana uwatjale ngemva kwemveke eziyintathu nanyana ezine.   

Iindlela Zokuyitjala

Ukutjala amaplantjisi we-basil kwenziwa ngembewu ngesandla nanyana umtjhini. Tjala i-10 cm emareyini ukuqiniseka kobana ukhupha i-basil ejamileko ozokurhona kobana uyisuse uyitjale kwenze indawo nange ufuna ukuyifudusa.

Iinkhundla

Iintjalo kufanele zenzelwe iinkhundla ezihlukene nge-30 cm emareyini ayi-50 cm ukuhlukana. Lokhu kuhlangana ne-65 000 kanye ne-67 000 yentjalo ze-basil e-hekutheni ngayinye. Abanye abalimi abatjala ngomnqopho wokwenza inzuzo bangezelela ubunengi bentjalo bufike eentjalweni eziyi-80 000 ukuya ku-100 000 yentjalo qobe li-hectare.

Iskhathi Sokutjala

Tjala imbewu ye-basil msinya phakathi kwetwasahlobo ukuqiniseka bona ayibanjwa mbethe. Esewula Africa, kwenziwa hlangana kwakaRhoboyi noSewula.

Iskhathi Sokutjala

Ukwenza imbewu ye-basil ku-greenhouse ngoVelabahlinze kuzokwenza bona uthole iimveke ezimbalwa zesikhathi sokuyikhiqiza. Tjala amaplantjisi llokha nasele anobude obuyi-50 mm, ngemva kombethe wokugcina ukusukela lada ngoRhoboyi ukuya ngoSewula.

Iskhathi Sokuyikhulisa

Ukusukela ngeskhathi imbewu ye-basil itjalwako lokha nawuthoma ukuyivuna okungemva kwemveke ezilisumi. Ngemva kwalokho ingavunwa kabili ngonyaka. Sika i-basil ngaphezulu kwehlabathi nge-15 cm ukuyivumela kobana isiqu sikhule godu.

Ukuyivundisa

Ungayivundisi ngebanga lokobana lokho kubambezela ukukhula kwamathuthumbo wayo. Vundisa ngokuya kwemiphumela yokuhlolwa kwayo okwenze ngaphambi kokobana utjale. I-200 ukuya ku-300 kg ye-3:1:5 ilungile lokha iintjalo nazihlangana kwe-20 cm ukuya phezulu izokwanela kuze kufike isikhathi okuvuna. Faka elinganako ngemva kokuyivuna ngokulandelana.  

Ukuyithelelela

I-basil stjalo esizwela khulu lokha kunobuswe njeke kuqakathekile kobana ihlabathi ihlale iyihle oyeleliswe ngayo yomhlobo wehlabathakho. Faka amamitha afunda ubuswe ukobana urhone ukuhlala utjhejile. Ukugandeleleka ngokomkhumbulo kuzokwenza bona akhiqize amathuthumbo okona umkhiqizo.

I-basil ingathelelelwa nge-sprinkler drip, nanyana kunjalo nanyana ithelelela kuhle njalo yenza amakari kobana ahlale omile. Iinsalela zentjalo ezimanzi zibanga iinkowani ezona amakari. Okuya ngokobana ubujamo bezulu bunjalo kanye namazinga womtjhiso i-basil ingathelelelwa ngamanzi afikelela ku-40 mm ngeveke. Kumbono omuhle ukuyirhatjha kathathu ngeveke. Ehlabathini eyisanda ungathelelela qobe ngemva kwamalanga amabili. I-mulching kuhle ukuyenza ngebanga lokobana yenza amanzi angapheli msinya.

Translated by Busisiwe Prudance Skhosana