Ruby Cabernet
Ihlathululo
I-Ruby Cabernet mhlobo wamaderibe wewayini ebomvu eyathoma ukuthuthukiswa ngomnyaka ka-1936 ngu-Dr Harold Olmo weYunuvesithi ye-Carlifirnia, ngokuhlanganiswa ne-Carignan kanye Cabernet Sauvignon.
Imvelaphi/Indabuko
U-Dr Olmo wathuthukisa i-Ruby Cabernet ukwenzela ukusabalalisela ikoro yewayini ye-California ngomhlobo okghone ukuphumelela khulu ngaphasi kobujamu bezulu obutjhisako lapho i-Cabernet Sauvignon begade ithwala ubudisi. I-Ruby Cabernet, nayo yathuthukela ukukhiqiza umhlobo we-Cabernet Sauvignon kanye neziqineleko i-Carignan.
Umhlobo lo wakhitjhela ukuthengiswa ngomnyaka ka-1948 begodu yathola idumo khulu ngeminyaka ka-1960s. Kube umhlobo ukghona ukupha iimphumela emihle ngaphasi kobujamo obufuthumeleko, umhlobo ongakavangwa okhamba phambili wewayini begodu ohlotjaniswa namaderibe akhiqizwa eemphandeni ezipholileko.
Amanye Amagamawo
Awunamawo amanye amagama.
Umkhiqizo weSewula Afrika
Umhlobo lo watjalwa kokuthoma eSewula Afrika ngomnyaka ka-1982 begodu indawo lapho ukhiqizwa khona sele ukhuphuke wafikelela ema-2 000 ha.
Umkhiqizo Weemphande
Umhlobo lo ukhiqizwa kizo zoke iimphande zeSewula Afrika, kuthi i-Robertson kanye ne-Breedekloof kube ngizo zenani eliphezulu emkhiqizweni.
Ukukhula Nokuthela Kwawo
Mhlobo omila ngobukhulu begodu unamandla womkhiqizo obalelwa emahlandleni amane ehegereni eyodwa ukudlula i-Cabernet Sauvignon. Inani lomkhiqizo libalelwa ukusuka ku-20 t/ha to 30 t/ha. Uzwana khulu nokuvunwa okubizwa nge-mechanical harvesting, khulukhulu lokha nayitjalwe eendaweni ezikulu.
Ukuvuthwa
Amamomori avuthwa phakathi esikhathini sonyaka, ukusuka esiquntwini sesibili sakaNtaka.
Amamomori
Umhlobo lo ukhiqiza amamomori amancani avame ukutjhuguluka abenombala ohlaza okumnyama nasele avuthwe ngokwaneleko. Amakelwawo adege, kuthi ingaphakathi libe namanzana kanye nenambitho lotjani.
Amakari
Amakari makhulu, anombala ohlaza okumnyama, ayarhanyazela begodu aneencenye zesiphetho ezizimpenda ezihlanu.
Iintjhabalalisi kanye Namalwelwe
Uvamiswe ukutshwenywa kubola okubizwa nge-downy mildew kanye ne-botrytis.
Umsebenzawo
Kuvame ukwenziwa imihlobo yamawayini aphuma phambili angakavangwa, kodwana inengi lamaderibe asetjenziselwa imivango ethengiswa ngobunengi nofana ngama bhokisi. Nokho ikhula msinya ukudlula i-Cabernet Sauvignon begodu yenzelwe ukubamnandi nokuthi ithathwe iseseyitjha.
Umnambitho
Imithawo eminengi inemikghwa yemamomori nofana yotjani.
Translated by
Johannes Nkosinathi