Kutjalwe Ziphi Iintjalo EziMadlelo?

© University of Maryland Extension

Ukukhetha iintjalo ezimadlelo kuzokuya ngokobana:

Ubujamo bezulu kanye nobujamo behlabathi
Ukubakhona kwamanzi
Zinlwane ziphi nanyana yihlanganyela yiphi yenlwane esebenzisa amadlelo
Asetjenziselwani amadlelo – ukwenza isbonelo, amadlelo azokusetjenziselwa kobana kudle kiwo iinlwane kwaphela nanyana kuyokwenziwa ihoyi ngawo na nanyana i-silage

Iintjalo EziMadlelo ze-Sewula Africa

©Kamrul Islam Shahin

Ngokuya ngokomnyango we-Forage Technology ye-Agricultural Research Council (ARC), iintjalo ezimadlelo zivamise ukusetjenziselwa ukwenza ioyi kanye notjani bomhlobo we-weeping love (Eragrostis curvula) kanye ne-Eragrostis tef. Ukwenza i-silage, kuvamise ukusetjenziswa, nanyana kunjalo, amabele nawo ayasetjenziwa.

Utjani obuthandwa khulu obusetjenziswa ehlobo butjani bewula obubizwa bona yi-Anthephora pubescens), Rhodes grass kanye ne-finger grass. Hlangana kotjani bebusika kubalwa i-cook ‘s foot,tall fesue, i-oats kanye ne-stooling rye. Hlangana kwama-legume aselistini ye-ARC’s kubalwa i-dolichos bean kanye ne-stylo (ekuyi-legume etjalwa ehlobo) ikhamba ne-white clover, Lucerne kanye ne-medics njenge-legume etjalwa ebusika.

Utjani obuthandwako behlanganisela ye-legume obuphakanyiswa yi-ARC yi-yegrass ye-Italy, white clover, kanye ne-soghum cowpea nanyana i-sorghum dolichos bean kanye nehlanganisela ye-vetch-black oats-Daikon radish.

Elinye nelinye ibubulo lembewu lingarhona ukukuyelelisa kobana ngimaphi amadlelo amahle ongawatjala enarheni yakho nemhlobeni wakho wehlabathi. Bawa isiyeleliso.

Imihlobo Yentjalo EziMadlelo

©Pannar Saad

Iintjalo ezimadlelo zihlukaniswe ngenqhema ezimbilii – amadlelo athanda ubujamo bezulu obupholileko kanye namadlelo athanda lapha kuna khona izulu.

Amadlelo athanda lapha kuna khona izulu
Iintjalo ezithanda inarha enezulu ehlobo eSewula Africa, ekuvamise kobana kube nezulu lehlobo kusukela ngo uvula Mhlolanja. Iintjalwezi zinengi ebusika ngemva kokubekwa kwezakhimzimba emirajini yazo ngesiruthwana,okuzenza bona zilungele ukumila kabutjha etwasahlobo.

Istjalo esithandwako esitjalwa qobe nyaka sibizwa bona yi-teff (Eragrostis tef). Teff, ekusitjalo esihle khulu nasitjalelwa ukukhiqiza ihoyi, begodu sikhula kuhle emihlobeni yoke yehlabathi, begodu singakhiqizwa nenarheni eyomileko. Umhlobo wentjalo ezimadlelo otjalelwa ifuyo yi-fodder sorghum kanye ne-pearl millet ezithandwa khulu.

Utjani obunye bamadlelo obuthandwa khulu yi-Smuts finger grass (Digitaria eriantha), Rhodes grass (Chloris gayana), Weeping lovegrass (Eragrostis curvula), Paspalum kanye ne-Guinea grass (Panicum maximum), emnandi ebizwa ngelinye ibizo kobana yi-buffalo grass. Eencenyeni ezomileko zeSewula Africa, utjani bomhlobo we-blue buffalo buba buhle. Eendaweni ezinezulu elinengi, kanye neendaweni ezipholileko nanyana ezithelelelwako, utjani bomhlobo we-Kikuyi buba buhle ehlabathini evundileko.

Hlangana kwemihlobo yama-legumes emila eendaweni ezina izulu kubalwa hlangana i-greenleaf desmodium, perennial soybean, siratro (purple bush-bean), stylo kanye ne-lucerne.

Amadlelo walapha kuphole khona
Amadlelo amila eskhathini sonyaka lokha nakupholileko ahlala amajadu begodu ahlaza ebusika begodu akasabi umbethe. Nakumadaniswa namadlelo amila endaweni epholileko, amadlelo lo amnandi khulu, anezakhimzimba begodu ayagayeka. Ukugayeka kwawo kutjho bona zingakhi izakhimzimba ifuyo ezidosa emadlelweni.

Iimbonelo zotjani obumila enarheni epholileko yi-Westerworld kanye ne-Italian ryegrass, perennial ryegrass, tall fescue kanye ne-cock’s foot. I-Clovers - berseem clover, white kanye ne-red clovers – ma-legume amahle angahlanganiswa notjani obumila endaweni epholileko.

Ama-Legumes

©Pannar Saad

Legumes - clovers, soybeans kanye nama-peas zintjalo ezinobuhlobo nebhakutheriya lehlabathi elibizwa bona yi-Rhizobium, elirhona ukungezelela i-nitrogen ehlabathini. Njengesitjalo esimadlelo, ama-legume kuvamise kobana angatlhogi ukuvundiswa khulu kunotjani.

Ama-legumes anomrabhu oqinileko ongena utjhingele ehlabathini ukuthola ubuswe begodu anamakari anabileko. Utjani bona bunomrabhu ongatjhingeliko kanye namakari ondileko amade. Isibonelo hlangana kwama-legume amila enarheni enezulu khulu kubalwa i-stylo kanye ne-lucerne, ngelinye ibizo ebizwa bona yi-alfalfa enarheni yange-USA. Iimbonelo zama-legume amila eenarheni ezipholileko kubalwa hlangana i-red kanye ne-white clover.

TJheja: Iwazeli lenzilwe ukufundia kanye nomqopho wokupha ilwazi kwaphela begodu akukafaneli kobana lisetjenziswe njengelwazi lokupha ifuyo ukudla. Nawufuna ilwazi elinabileko kobana ifuyo iphiwa njani ukudla kanye nentjalo ongazitjala thinta i-technician nanyana umsabalaliso wembewu wakho.

Translated by Busisiwe Prudance Skhosana