Umraro wamalanga la wephasi loke wokudla kanye newezeemali utjengise ukungarhonakali kwamakhemikhali kwezokulima ukuqotha indlala nomtlhago. Ibubulo lamakhemikhali lezokulima linomthelela ekuletheni i-global warming kanye nekoneni kwe-biodeiversity kanye neensetjenziswa zemvelo ezifana namanzi nehlabathi. Godu indlela le ye-monoculture (nekukutjala isitjalo esimhlobo munye) kunomphumela ekoneni iindlela zethu zesiko leskhethu lezokulima.
I-agro-ecological agriculture’ ihlongozwe bekwathathwa nesiqunto sokobana kusetjenziswe khona ukujamisela ukusebenzisa amakhemikhali. Umnqopho wayo kuqinisa abelimu ukulawula iinsetjenizwa zabo zemvelo okwenza bona barhone ukulawula ibhoduluko ngendlela egcinekileko.
Ukulima ngaphandle kokusebenzisa amakhemikhali, sekwenziwe ngendlela yokobana sele kuqalwa istifikeyidi kanye ne-premium yokuhlawulwa kwemikhiqizo. Indlela yokulima ngaphandle kokusebenzisa amakhemikhali le sele ifudukele endleleni yamabubulo amanengi wexokulima lapha kufunwa khona inzuzo khulu. Ukulima ngaphandle kokusebenzisa amakhemikhali eSewula Africa kuzele ukutjhayisana ngemibono. Enye yeendaba ekukhulunywa ngayo zitifikeyidi sokulima ngaphandle kwamakhemikhali esitjhayisana nomgomo we-ecology begodu esikhathi esinengi, sibiza khulu ebalimi abangalimi indawo ekulu.
Iinhlangano eSewula Africa, India kanye ne-Brazil, zakhetha ukujamisela okufana ne-the Participatory Guarantee System (PGS) lapha abalimi ngokwabo babeka igaranti ye-agro-ecological nanyana indlela yokulima ngaphandle kwamakhemikhali yemikhiqizo yabo. Isistimu le isusa iintifikeyidi ezibiza ze-3rd party, zizijamiselele ngokubeka abalimi hlangana nendawo estifikeyidini nanyana esistimini ye-warranty. I-yaziwa iphasi loke njengehlangano ejamiselela i-3rd party certification begodu ifanela nabakhiqizi abangakhizi umkhizo omnengi.
Ukulima ngaphandle kwamakhemikhali kukukhiqiza iintjalo kanye nenlwane eziphilisana kuhle nemvelo ngaphandle kokusebenzisa amakhemikhali ayingozi kanye nokusebenzisa iinsetjenziswa zeemvelo isibonelo.ezigcugcuzela ukukhula, ezilawula iinunwana kanye nezenza qhono ihlabathi. Umphumela kuba mikhizo ekhiqizwe ngaphandle kwamakhemikhai kanye nama-hormones enamavithamini aphezulu emumethe iinunwana ezingakalungiswa ama-sotja (GMOs) –iintjalwezi, iinlwane kanye namagciwani amumethe amasotja alungisiweko nanyana adluliselwa ukusuka esilwaneni sinye ukuya kwesinye.
Translated by Busisiwe Skhosana