Iimvakatjhi ze Mapungubwe National Park

iMapungubwe Efaka woke Umuntu

©David Fleminger
iMapungubwe National Park ithola iimvakatjhi ezimakhulu ngelanga (ekubalwa iimvakatjhi ezibantwana beskolo) iinomboro yemvakatjhi ikhuphuka ngeskhathi soke. Begodu iimvakatjhi ezinengi babantu abanzima, okungafani namanye amaphaga azele amakhuwa. Umehluko kungaba kukobana mhlamunye iMapungubwe yiphaga yokuthoma eyenzelwe isikhathi esihlukileko sabantu beAfrika. Nekungegidinga umlando okhe wangavunyelwa nogade kungoqothwako. Amanye amaphaga, kwakwelinye ihlangothi, abonwa njengeragelo phambili lesistimu yebandlululo, begodu ngokwesiko gade abantu abanzima bangakavunyelwa ukobana bangene kiwo. Ukobana iMapungubwe ivumele woke umuntu kobana angene kiyo, kuyinto i-SAN Parks eyihlohlozelako kwezinye iindawo zawo zebhoduluko.

Kodwana akusingebanga lepolotiki kwaphela. iMapungubwe itjengisa ukuthandwa ngombana iyindawo wkarisako, nehlukileko. Amakampa wokuphumula mahle kwamanikelela nawo. Begodu iphaga le ineendawo ezintathu eziqakathekileko ze-archaeology amabizo wazo ekuyi-Mapungubwe Hill, K2 kanye Schroda.

Ulindeni?

©Roger de la Harpe
Iphaga le inendawo yokuhlala ehle kwamanikelela (enqono ukudlula ngitjho ne-Kruger) nezinye izinto ezinengi ongazenza nezirherhako.

Izinto ozibona ephageni azikajayeleki. Phezu kwe-millennia, gade kune, plateu ekhe yaba phezulu kodwana yadleka kwavela iinkhisi kanye nama-rigdes. Ekugcineni kweLimpopo, iinsalela ze-plateu zenza indlela yommango otjhigamileko ezehlela kubenemmango ethabaleleko yenkhukhula. Ubude bayo busukela emamitheni ayi-300 kuya kwayi-780 yamamitha ngaphezu kwe-leveli yelwandle. Iindunduma ezihulkeneko kanye nerijini ye-Koppies efana neMapungubwe zatlameka lokha i-Sandstone yomhlobo we-Clarens uthathwa mamanzi kwasala iintjalo ezimbalwa egade zingaphandle. Ikepisi yelitje elibomvu le (itlhadlhlula amadune wegwadule athukiweko) evangwe notjani obusarulana ebusemadlelweni apha iimvakatjhi umbala obonakalako.

Translated by Lizzy Shongwe