Hawk Eagle
Ikhozi elinguDlheke
Indawo yokuhlala
Ikhozeli elibizwa nge-African Hawk Eagle lisabalele belabeka ukusuka esewula ye-Sahara ukuya esewula ye-tropical Capricorn eSewula Afrika. Avamise ukutholakala eendaweni ezimahlathi. Avamise ukubonwa asesiqongolweni kanye neendaweni ezimarhwarhwa. Azizwani namahlathi ahlaza naminyeneko. Isidleke salo silinganiselwa emagadangweni emathathu wobubanzi, begodu sakhiwa emagatjeni womuthi omkhulu abumbeke njenge forogo.
Ukudla
Aphila ngokudla iinyoni ukusa kezincani ukuyela kezilingana netarantara. Nokho izithandela khulu inyoni ebizwa nge-Francolin. Ikhozeli lidla neelwanyana ezincani zomhlobo omunyisako ezifaka hlangana ubudorwana kanye nembila. Kesinye isikhathi lidla nalezo ezirhurhubako.
Ukuhlangana neliduna nokubekela
Avamise ukuhlangana neliduna bekabekele ukusuka ngenyaka kaMrhayili ukuya kuVelabahlinze. Womabili eliduna nelisikazi afukamela amaqanda isikhathi esingaba malanga amasumi amane nane. Avame ukukhulisa idzinyana linye ngebanga nesenzo esibizwa nge-cainism.
Ukwakheka nokuvela kwalo:
Linobukhulu obuphakathi, incenye ephezulu yomzimbalo inzima, ngaphasi emathunjini limhlophe kodwana lande ngamacatjhazana anzima, ngaphandle kwemilenzalo, inombala omhlophe esithomeni samaphikwalo amakhulu kanye nencenyeni yesiphetho semuva lamaphiko inzima ngobubanzi. Ingaphasi lamaphiko livamise ukuba nzima bese lande ngamacatjhaza abanzi namhlophe.
