Gamay Noir

© Glenneis Kriel

Ihlathululo

I-Gamay noir mhlobo wamaderibe wewayini enzima ebegade asetjenziselwa umkhiqizo wewayini ebomvu eseleka lula yematafuleni. Wona wasuselwa ekuhlanganisweni okuphakathi kwe-Pinot noir kanye nomhlobo wakade i-Gouais blanc.

Indabuko/ Imvelaphi

I-Gamay noir mhlobo omdala we-Burgundy owadinywa amathuba ngu-Philip the Bold, umbusi we-Burgundy, ngeminyaka yabo-1395 ngebanga lokusaba bonyana ingahle yone isithunzi sesiphande ngokwenza amawayini aphezulu, khulukhulu ukusuka ku-Pinot noir.
Abalimi besiphandeni begade batjala khulu i-Gamay noir ekusoziseni i-Pinot noir, ngombana yakhiqiza inani eliphezulu begodu bekulula ukuyitjala. Ukuqotjhwa kwayo kwaphumelela ekuvikeleni isithunzi sesiphande, kodwana kwandisa iphango nofana indlala ukuya phambili. Abalimi be-Beaujolais region, esewula ye-Burgundy, bakghona ukusinda ekutjhejeni kombusi begodu baragela phambili bakhiqiza i-Gamay noir.
Umhlobo lo wagcina sele ongofaneleka khulu esiphandeni, ngokuthi ube ngiwo omkhulu wewayini ebomvu ekhiqizwa e-Beaujolais ngesikhathi se-17th Century. Umhlobo lo wathola idumo ngaphandle kwesiphande ngeminyaka yabo-1980s, ngokuthi abakhiqizi bawufake eentolo pheze ngemva kwelanga eyavunwa ngalo.
Ukusukela lapho, idumo lomhlobo lo lehla, kodwana abakhiqizi baziphendulela ngokwenza i wayini ye-Gamay noir ekhamba phambili.

Amanye Amagamawo

Ama-French asebenzisa igamafana i-Gamay noir à jus blanc ukuyihlukanisa lula neminye imihlobo ye-Gamai.

Umkhiqizawo eSewula Afrika

Umhlobo lo walahlekelwa kuzijamela ngokuhlulwa yi-Cinsaut noir, ngombana uyathembeka begodu ukhiqiza inani eliphezulu.

Umkhiqizo Weemphande

Indawo yokukhiqizela i-Gamay noir eSewula Afrika yehlele ngaphasi kwe-10 ha ngomnyaka ka-2016. Kanit-ke pheze zoke iindawo zokutjalezi zise-Stellenbosch.

Ukukhulu Nokuthela Kwawo

Umvino lo ukhula kuhle okuphakathi. Emihlobo nofana amatlhurhelwawo amatjha anothile, ngokuthi akhiqize inani eliphakathi kwe-12 t/ha to 15 t/ha.

Ukuvuthwa Kwawo

Amaderibe la avuthwa kuhle phakathi kwesikhathi sonyaka, ukusuka esiquntwini sokuthoma senyanga kaMhlolanja.

Amamomori

Amamomori wawo mancani, arondo begodu anombala ophephula okuqarheke ngohlaza.

Amakari

©Glenneis Kriel
Amakarawo makhulu ngesilinganiso esiphakathi, arondo, begodu aneencenye zesiphetho ezizimpenda ezintathu umbalawo uhlaza satjani okukhanyako.

Iintjhabalalisi kanye Namalwelwe

Umhlobo lo utshwenywa khulu malwelwe abizwa ngama-fungal diseases, ekufaka hlangana iputjhana kanye nokutjhwaba kwangaphambi kwesikhathi, kanye nesitjhabalalisis sokubola i-Botrytis rot kanye ne-arm rot.

Umsebenzawo

ESewula Afrika usetjenziselwa ukwenza umhlobo wewayini engakavangwa kanye nemivango ebomvu okukhanyako ngendlela ebizwa i-nouveau style, ngokuhlanganisa namaderibe afana ne-Zinfandel, Tempranillo, Pinot noir kanye ne-Riesling.

Umnambitho

Imihlobo eminengi yamawayini asuselwa emnambithweni nemnukwenawo weenthelo kanye nobuthuthumbo, ngokuba nobuncani beenthelo ezibomvu ezifana nama-plums kanye ne-raspberries, afana nama- violets kanye nama-peonies.

Translated by Johannes Nkosinathi