Yini Isthelo se-Dragon Fruit?
Isthelo se-dragon fruit, sthelo esirangako. Saziwa ngokobana yi-pitaya nanyana - strawberry pear, begodu ngokwendabuko sivela eMexico, e-America ephakathi kanye ne-America esetjingalanga.
I-cactus egibelako, enemirabhu le, ikhiqiza iinthelo ezinamaskeyili ezikulu ezibobudisi obuhlangana kwe-150 kanye ne-600 g kanye nemihlobo esuka kwebomvu ukuya kwepinki ukuya kwesarulana ngombala. Ehlathini, umuthayo ubanjwa mimithi, begodu sele ube sitjalo esiranga sizale indawo yoke, eenarheni ezinengi, ekubalwa hlangana nazo ezinye iindawo zeSewula Africa. Kumasistimu wokutjala, basebenzisa isistimu yokusijamisa ngengodo ukuvumela kobana sikhule, khulu besivuneke msinya.
Isthelo se-dragon fruit sidliwa sifretjhi begodu simnandi nasipholileko. Iskhumba saso esidege sihlubeka lula bese sivela ukudla okupinki nanyana okubomvu ngaphakathi, sibe nemmbewu ezincani ezinga zimatjhatjhazi.
Imihlobo ye-Dragon Fruit
Iskhumba sesithelo se-dragon fruit singasuka embaleni opinki nanyana osarulana, iskhumba saso isthelwesi singabamhlophe, sibe pinki okukhanyako nanyana sibe bomvu, nanyana sibe bomvu khulu, sibe nembewu enzima, efana neye-kiwi fruit.
Gade kuphilwa kudlunjanwa kobana iinthako ze-dragon fruit zihlotjaniswa nombala weskhumba sayo. Isthelwesi esimhlophe ngaphakathi asibabi iswigiri khulu lokha umhlobazo opinki nanyana obomvu ngaphakathi uvamise kobana ubesudu begodu ube nomhluzi omnengi.Ngebanga lokobana sele kunemihlobo encono, azisamadaniswa ngendlela leyo.
Kunemihlobo emithathu engakatjalwa khulu yesthelo se-dragon fruit, esipinki - bomvu e ngaphakathi,isthelo se-dragon fruit esingakavami esisarulana, sibe nombala omhlophe ngaphakathi, nesthelo se-dragon fruit esipinki inga sibomvu, esimhlophe ngaphakathi.
Njenganje (2019) sele kunemihlobo eqakathekileko emibili etjalwa eSewula Africa, i- Hylocereus undatus eneskhumba esimhlophe kanye ne-Hylocereus costaricensis eneskhumba esibomvu. Imihlobo emibili le,iinenkhumba ezinombala opinki-nobomvu, kodwana umhlobo osudu oneskhumba esipinki obizwa bona yi-Hylocereus costaricensis, sinezinga eliphezulu leswigiri begodu ngiwo othandwa khulu.
Isthelo esisarulana se-dragon fruit i-Hylocereus megalanthus mhlobo othuthumba ebusika. Yincani begodu ikhula kabuthaka kuneminye imihlobo begodu iyazwela lokha nayithola iintjhabalalisi kanye namalwelwe.Isudu kunomhlobo oneskhumba esibomvu. Itlayimedi yeSewula Africa yenza kobana i-dragon fruit ifaneleke kobana itjalwe ngapha.
Imihlobo emitjha evele enarheni ye-America esetjingalanga kanye nenye ethuthukiswe e-Californa, sele itjalwa eSewula Africa ukujamiselela umhlobo we-dragon fruit ejwayelekileko eSewula Afriva, iyijamiselela ngesudu.
Imihlobo ethize yesthelo se-dragon fruit efana ne-Ruby Red ese-Indonesia ithela iinthelo ukusukela ngoTjhirhweni ukuya ngoNobayeni. Ubujamo bezulu eSewula Africa, nanyana kunjalo abukafaneleki kobana ingakhiqizwa unyaka woke begodu umhlobo ohlukahlukeneko uvunwa kwaphela ehlobo.
Translated by Busisiwe Prudance Skhosana