Clairette Blanche

Ihlathululo

Mhlobo omdala tle wamaderibe wewayini emhlophe esukela kade ngabo-1500s, atjalwa khulu ngobubanzi eSewula ye-France begodu asetjenziswa emkhiqizweni wamawayini anganabala, kanti-ke abuye abe mhlobo wamaderibe wematafuleni.

Indabuko/Imvelaphi

Adabuka enarheni ye-France

Amanye Amagamawo

Igama elithi i-Clairette Blanche lihlathulula ‘ubumhlophe obukhanyako’. Kanti-ke kunamagama angaphezu kwamatjhumi asithandathu nethoba we-Clairette Blanche. Ubuye waziwe njenge-Blanquette, Extra, Piquepoul nofana i-Clarette. I-Bourboulenc mhlobo ohlukileko nanyana usebenzise amagama athi-Clairette kanye ne-Clairette Blanche njengafana newawo.

Umkhiqizo weSewula Afrika

Ahlonywa eSewula Afrika ngomnyaka ka-1906, ekuthomeni begade atjalwe ngokukhethekileko endaweni ye-Groot Drakenstein. Inani elingaphezu kwe-35ha le-Clairette Blanche laruthulwa eSewula Afrika ngomnyaka ka-2016 kanye nelibalelwa kelima-195ha, inengi lawo belingaphasi kobujamo obufuthumeleko be-Worcester (88ha), Paarl (34ha) kanye ne-Robertson (33ha).

Ukumila Nokuthela Kwawo

I-Clairette Blanche mhlobo okhula ngamandla utjhinge phezulu, unamatlhurhelo aqinileko angazwani nomoya. Ungatjalwa njengesivini sehlathi nofana osekelwako begodu ukghona ukubambelela endaweni yehlabathi etjhingelako neyomileko eendaweni ezipholileko.

Umhlobo lo awuzwani nesomiso (ulahlekelwa makari) begodu udinga ukuthelelelwa. Unomkhiqizo obalelwa ukusuka ku-16 -18 t/ha, picked at 19 - 21° Balling. Amazinga we-Balling atshwaya izinga nenambitho elimnandi lamaderibe kanye nokulungelwa ukuvunwa.

Ukuvuthwa

I-Clairette Blanche ivuthwa ngokukhamba kwesikhathi – ukuyela ekupheleni kwenyanga kaNtaka kanye nangemva kweemveke eentathu ze-Chenin Blanc.

Amamomori

Anamamomori amakhulu akheke njenge qanda kanye namakelo aqinileko.

Iintjhabalalisi kanye Namalwelwe

Umhlobo lo i-Clairette Blanche awuzwani khulu nokonakala okubizwa nge-downy mildew kanye ne-bacterial blight, kodwana akghona ukujamelana ne-anthracnose kanye ne-oidium. Ngebanga lokulahlekela kurhanyazela kwawo nokho ukghona ukuzivikele enambithweni lokubola kanye ne-botrytis. Amatlhurhelo aqinileko avame ukoniwa lula mumoya.

Umsebenzawo

Amaderibe avame ukujiya msinya khulu (iinvini inamandla amancani wokuluphala) begodu akhiqiza amawayini we-esede yezinga eliphasi kanye nesidaki esiphezulu. Ngaphambilini begade isetjenziselwa amawayini anganabala ama-Clairette Blanche nokho muva nje sele asetjenziselwa imivango. Ajiya msinya khulu begodu angabibhiwa ukwenzela bonyana aphe inambitho elinothileko emlonyeni. I-Clairette Blanche ingasetjenziswa njengamaderibe wematafuleni.

Inambitho

Akavami ukusetjenziselwa amawayini angakavangwa, i-Clairette Blanche ikhiqiza amawayini amthuthu asetjenziswa emivangweni ukuqarha ngenambitho elinothileko leenthelo elifana nama-limes, penabhula, green plum, nofana amasiri.

Ahlathululwa njenge-‘flabby’, begodu i-Clairette Blanche ikhombisa amatlhurhelo wamathuthumbo (mhlwawumbe i-rose petal), ubuncani be-citrus kanye nama-stone fruit. Ngaphasi kobujamo azwana nabo, akghona ukukhiqiza amawayini amnandi abizwa nge-ester-like nuances, esikhathini esinengi ahlathululwa njenge-rose petal.

Translated by Johannes Nkosinathi