Amakhreyidi Wemfarigi

©Glenneis Kriel
Amakhreyidi lapha kubekwa khona iimfarigi ngaphambi kokiobana zibelethe kutjala imali okuhle umniniplasi angakwenza. Iimfarigi ezisikazi zifuduselwa emakhreyidini la iveke ngaphambi kokobana zibelethe zihlale kiwo abantwabazo baze babenamalanga ayi-21 ukuya kwayi-28 ubudala. Ukufuduswa kwemfarigi ezisikazi endaweni evaliweko nanyana endaweni yinye ekhreyidini, lokha abentwabazo barhona ukukhamba ngokutjhaphuluka baye bebabuye kubomma bazo.
Ngokuya ngekhowudi yezehlalakuhle zemfarigi/-Welfare Code of the South African Pork Producers Organisation 'SAPPO', iimfarigi ezisikazi akukafaneli bona zifuduswe emakhreyidinhi amalanga alikhomba ngaphambi kokobana zibelethe begodu akukafaneli bona zibekwe amalanga adlula iimveke ezisithandathu ngemva kokobana zibelethe.

Inzuzo

©Glenneis Kriel
Abalwelwi bamalungelo wenlwane bangaphikisana ngokobana kuyinto embi, kodwana iqiniso kukobana amakhreyidi la enza ngcono zehlalakuhle yenlwane ngokuqiniseka bona zithola ubujamo bomtjhiso obuhle zona nabentwabazo nokobana isenzo lesi sikhandela iimfarigi ezisikazi ekugadangeni abentwabazo.
Ngaphandle kwalokhu, kuvikela amaputwana wemfarigi emalwelweni kanye nakumapharasayidi, ngombana amahoo ayahlwengisa abulawe amagciwane ngaphambi kobana iimfarigi ezisikazi zifuduselwe kiwo. Kumasistimu amanengi iimfarigi ezisikazi ziyahlanzwa zibulawe amanyokani ngaphambi kokobna zifuduselwe amakhreyidini.
Ukungezelela, amakhreyidi avumela abafuyi bona barhelebhe ngcono iimfarigi ezisikazi lokha nazibelethako bebarhone nokuzipha kuhle ukudla, amanzi batlhogomele nezepilo zazo nabentwabazo. Lokhu kuqakatheke khulu ngomabana kufa amaputwana angafikela ku-65% evekeni yokuthoma yemva kokubeletha.

Ubumbi Bawo

©Glenneis Kriel
Ngokuya nge-website I-Farming Truth, okuhle kudlula okumbi ngakhreyidi la,esele kujwayelekile bona ayasetjenziswa eSewula Africa, e-United Kingdom, Europe kanye ne-the United States Into embi ngawo yintengo yawo,ngombana ayabiza kobana ungathoma ngawo begodu afaka phezulu iindleko zokuwahlwengisa nezegezi.
Okuhle ngawo kukobana aletha zehlalakuhle yenlwane ezenziwe ngcono, ukufa okumbalwa kanye nokukhula kuhle kwamaputwana.
Okunye okumbi ngawo kukobana angabanga ukulimala kanye nemiraro yezePilo, efana nenlonda zenyaweni kanye nokurholophala, nanga angakabumbeki nanyana nagahlwengiswa kuhle.
Ngokuya ngezehlalakuhle yenlwane, iimbaya kufanele zivumele ukusikinyeka kwemvelo emfarigini. IIimfarigi ezisikazi njele kufanele zirhone ukubhambalala zijame ngaphandle kokutjhaphuluka. Umgogodllha wazo ungathinti phezulu ekhreyidini, nanyana amahlangothi wayo athinte ngaskhathi sinye emahlangothini wekhreyidi.

Ngaphandle

©Glenneis Kriel
Amakhreyidi wemfarigi la akukafaneli abekwe ngaphandle. E-America kunabafuyi bemfarigi ezikhamba ngokutjhaphuluka abasebenzisa amakhreyidi asongwako emadlelweni lokha nakutjhisako.
Bazombelelisa amakhreyidi la emadlelweni ukukhandela ukwakhela kwamalwelwe namapharasayidi eendaweni ezithize.
Abafuyi eSewula Africa kufanele baling lokhu eendaweni ezifuthumeleko, bafake iimfarigi ezingarhona ukujamelana namazinga womtjhiso ahlangana kwaka-27 ukuya ku-32 degrees Celsius. Umhlobo lo womkhiqizo angeze watlhogeka eendaweni ezipholileko kanye nemfarigi azingarhoni ukukhiqiza ibisi emazingeni womtjhiso angaphezu kwe-21 degrees Celsius. Isistumu yangaphandle isitjjhijilwesi siqedwa ngokuletha umtjhiso kanye nefluri efuthumeleko endaweni leyo, lokha iimfarigi ezisikazi zinendawo epholileko.
Imihlobo eyahlukeneko ikhona, buza i-technician yezepilo yenlwane uthole isiyeleliso ngomakhiwo ongalungela iimfarigi zakho.

Translated by Busisiwe Skhosana