Wahlberg's Velvet Gecko
Wahlberg se Fluweelgeitjie
Naam
Wahlberg se Fluweelgeitjie (Homopholis wahlbergii)
Klas
Reptilia (Reptiele)
Orde
Squamata (Skubreptiel)
Familie
Gekkonidae
Lengte
Beide geslagte: 90 – 110 mm
Beskrywing
Die Wahlberg se fluweelgeitjie het ’n groot lyf met ’n sagte vel. Die rug is lig tot donker grysbruin gewoonlik met oneweredige ligte en donker kruisstrepe en dikwels met 2 breë swart strepe op die rug. Die snoet het nie ’n swart streep nie. Die pens is roomkleurig en is soms liggies gevlek.
Verspreiding
Wahlberg se fluweelgeitjie word in Zimbabwe, Suid-Mosambiek, in die aangrensende KwaZulu-Natal, die Noordelike Provinsie en Oos-Botswana aangetref.
Voortplanting
Twee groot hardedop eiers word in ’n rotsskeur of onder boombas gelê.
Dieet
Wahlberg se fluweelgeitjie eet veral sprinkane en kakkerlakke, maar dit eet ook termiete en duisendpote.
Veldnotas
Persoonlike waarnemings van die naglewende Wahlberg se fluweelgeitjie is aangeteken in ’n aantal habitatte, van kusbos tot savanne gebiede, waar dit toevlug soek onder oorhange, rotse en selfs in gedroogde blare.
