Boomslang
Naam
Boomslang [Dispholidus typus]
Klas
Reptilia
Orde
Squamata
Familie
Colubridae
Subspesies
Hoewel in die verlede verdeel en gesubklassifiseer, word daar tans slegs een genus in die spesies erken.
Lengte V
1 260 mm
Lengte M
1 290 mm
Beskrywing
Die boomslang is ‘n groot slang met ‘n duidelik onderskeibare kop en groot oë met ronde pupille. Kleur van die slang varieer grootliks. Hulle is soms blaargroen, heldergroen of swart met donkergrys, swartomlynde pensskubbe, of baksteenrooi tot roesrooi met ‘n oranjepienk pens.
Verspreiding
Die boomslang kom voor deur die hele Afrika suid van die Sahara, asook in die noordelike dele van die gebied, en al langs die oos- en suidkus tot by Kaapstad.
Voortplanting
Paring vind in die lente plaas en 10 – 14 eiers word in die somer in holtes in bome en in blaarmolm gelê. Dit neem 3 – 4 maande om uit te broei.
Gif
Die gif van die boomslang is ‘n kragtige hemotoksien wat verhoed dat bloed stol, en sterftes veroorsaak weens bloeding. Die boomslang is egter sku en byt selde; dis gewoonlik slanghanteerders wat gebyt word.
Dieet
Die prooi van die boomslang bestaan uit klein werweldiere, veral verkleurmannetjies en voëls.
